----བེ་རི་རྒྱལ་སྲས།
ཁ་རྩང་ཁོ་བོ་མཆོད་རྟེན་དྲུང་དུ་སོང་།།
འདབ་ཆཌ་ཚོཌ་ཀྱིས་གྲེ་འགྱུར་སྙིང་ལ་འཇེབས།།
ལྗོན་ཤིང་ཕྲེང་བས་དགའ་བའི་མགྲོན་དུ་སྤྱོན།།
སྔོ་ལྗང་སྤང་གི་མཛེས་སྡུག་སྙིང་ལ་སིམ།།
ཉི་གཞོན་འཛུམ་པའི་ཟེགས་མ་མགོ་ལ་འཐོར།།
བསིལ་རླུང་འཇམ་པོས་བ་སྤུ་གྱེན་དུ་བསླངས།།
ལུས་སེམས་དགའ་བའི་འཛུམ་ཆུང་བཞིན་ལ་སྤར།།
དེ་རིང་སླར་ཡང་མཆོད་རྟེན་འགྲམ་དུ་སླེབས།།
འདབ་ཆཌ་ངུ་བའི་ཐན་སྐད་རྣ་བ་གཙེར།།
སྡོང་རྒན་ཁྲོས་པའི་ཡལ་འདབ་མགོ་ལ་བརྡེགས།།
ཐལ་བས་གཡོགས་པའི་ས་ཐང་མིག་ལ་གཟན།།
ཉི་མ་གཏུམ་པོའི་ཚ་ཟེར་ཐོད་ནས་བསྟིམས།།
ལྷགས་རླུང་རྩུབ་མོ་རུས་པའི་རྐང་ལ་ཟུག།
ཀུན་ལ་ཁྲོས་པའི་མ་མཆུ་སོ་ཡིས་བཏབ།།
༢༠༡༥/༡༡/༡༩ ཉིན། སྔ་དྲོ། ཚོུད། ༡༡:༢༠ ལས་ཁུངས།
