རླུང་དང་རླུང་འཚུབ།
༼རྒྱང་རིང་གི་གདན་ས་དྲན་པ། ༽
༼རྒྱང་རིང་གི་གདན་ས་དྲན་པ། ༽
ལས་དབང་རླུང་འཚུབ་ཀྱིས་དེད་པས།།
མདུན་སྐྱོད་གོམ་ཁ་དེ་འཁྱོགས་སོང་།།
ནམ་ཞིག་གོམ་ཁ་དེ་འཁྱོར་དུས།།
བླ་མས་ཐུགས་རྗེ་ཞིག་གཟིགས་རོགས།།
ཆོས་ཀྱི་ཞིང་ཁམས་དེ་བསྐྱུར་ནས།།
ཟང་ཟིང་སྤྱི་ཚོགས་ནང་སླེབས་སོང་།།
གེགས་དང་བར་ཆད་རེ་ཡོང་དུས།།
བླ་མས་ཐུགས་རྗེ་ཞིག་གཟིགས་རོགས།།
མི་ཟློག་ལས་དབང་གི་བཀའ་ཤོག།
སུས་ཀྱང་འགོག་ཐབས་ཤིག་མི་འདུག།
ལས་ཀྱི་འཕྲང་ལམ་གྱི་འདབས་ན།།
བདེ་སྐྱིད་མེ་ཏོག་ཅིག་ཡོད་དམ།།
ལུས་པོ་བྱང་མཐའ་རུ་འཕངས་ཀྱང་།།
སེམས་པ་གདན་ས་ན་ལུས་འདུག།
ལྷད་མེད་དད་དམ་གྱི་སྙིང་ཆུང་།།
ནམ་ཡང་འགྱུར་ལྡོག་ཅིག་མ་བྱུང་།།
ཉིན་མོར་ཆོས་གྲོགས་རྣམས་དྲན་སོང་།།
མཚན་མོར་གདན་ས་རང་རྨིས་བྱུང་།།
ཉིན་མཚན་དུས་དྲུག་གི་བར་དུ།།
ནམ་ཡང་བརྗེད་ཐབས་རང་མི་འདུག།
མཚམས་རེར་རྣ་བ་ཡི་ནང་དུ།།
དྷི་སྐད་ལྷང་ལྷང་དུ་གྲགས་ཀྱི།།
ཐལ་མོ་ཤུགས་དྲག་གིས་བརྡབས་ནས།།
རིགས་པའི་མེ་ལྕེ་ཞིག་སྤར་འདོད།།
ལས་དང་བསོད་ནམས་ཤིག་མེད་པས།།
ཁྱེད་དང་རྒྱང་རིང་དུ་གྱུར་སོང་།།
དད་པ་དམ་ཚིག་ཅིག་ཡོད་ན།།
ཐུགས་རྗེའི་གཟིགས་པ་དེ་མ་ཆུང་།།
འགྲོ་ཁར་བཤེས་གཉེན་གྱི་བསླབ་བྱ།།
སྙིང་ཁོང་རུས་གསེབ་ན་བཞག་ཡོད།།
རྟག་ཏུ་གསོལ་འདེབས་རེ་བྱེད་ན།།
བླ་མའི་ཐུགས་རྗེ་ཞིག་གཟིགས་རོགས།།
རྩ་གསུམ་ཀུན་འདུས་ཀྱི་བླ་མ།།
ཚངས་སྤྱོད་རིགས་སྨྲ་ཡི་ཆོས་གྲོགས།།
དབེན་གནས་གདན་ས་ཡི་ཞིང་ཁམས།།
དད་པའི་རྟེན་མཆོག་ཉིད་ཡིན་འདུག།
ཆོས་ཀུན་གདོད་དག་གི་དབྱིངས་ནས།།
ཐུགས་རྗེའི་སྒྱུ་འཕྲུལ་གྱི་དྲ་བས།།
ཉམས་ཐག་ལོག་ཞུགས་ཀྱི་བུ་ལ།།
ནམ་ཡང་དམ་དམ་དུ་འཆིང་རོགས།།
༢༠༡༣། ཟླ་བ། ༣། ༢༡། ཉིན་གདན་སའི་དགེ་བའི་བཤེས་གཉེན་རྣམ་པ་དང་ཆོས་གྲོགས་རྣམས་ཤིན་ཏུ་དྲན་ཞིང་། དེ་དག་གི་ཞལ་རས་དང་ལྷག་པར་བརྒལ་བརྟག་བགྱིས་པའི་སྟངས་སྟབས་རྣམས་ཀྱང་ཡིད་ལ་དབང་མེད་དུ་འཁོར་ཏེ། བྷུན་ཏར་དགེ་འོས་མཐོ་སློབ་ཀྱི་གློག་ཀླད་ཁང་ནས་ཐོལ་བྱུང་དུ་བྲིས་སོ།།
མདུན་སྐྱོད་གོམ་ཁ་དེ་འཁྱོགས་སོང་།།
ནམ་ཞིག་གོམ་ཁ་དེ་འཁྱོར་དུས།།
བླ་མས་ཐུགས་རྗེ་ཞིག་གཟིགས་རོགས།།
ཆོས་ཀྱི་ཞིང་ཁམས་དེ་བསྐྱུར་ནས།།
ཟང་ཟིང་སྤྱི་ཚོགས་ནང་སླེབས་སོང་།།
གེགས་དང་བར་ཆད་རེ་ཡོང་དུས།།
བླ་མས་ཐུགས་རྗེ་ཞིག་གཟིགས་རོགས།།
མི་ཟློག་ལས་དབང་གི་བཀའ་ཤོག།
སུས་ཀྱང་འགོག་ཐབས་ཤིག་མི་འདུག།
ལས་ཀྱི་འཕྲང་ལམ་གྱི་འདབས་ན།།
བདེ་སྐྱིད་མེ་ཏོག་ཅིག་ཡོད་དམ།།
ལུས་པོ་བྱང་མཐའ་རུ་འཕངས་ཀྱང་།།
སེམས་པ་གདན་ས་ན་ལུས་འདུག།
ལྷད་མེད་དད་དམ་གྱི་སྙིང་ཆུང་།།
ནམ་ཡང་འགྱུར་ལྡོག་ཅིག་མ་བྱུང་།།
ཉིན་མོར་ཆོས་གྲོགས་རྣམས་དྲན་སོང་།།
མཚན་མོར་གདན་ས་རང་རྨིས་བྱུང་།།
ཉིན་མཚན་དུས་དྲུག་གི་བར་དུ།།
ནམ་ཡང་བརྗེད་ཐབས་རང་མི་འདུག།
མཚམས་རེར་རྣ་བ་ཡི་ནང་དུ།།
དྷི་སྐད་ལྷང་ལྷང་དུ་གྲགས་ཀྱི།།
ཐལ་མོ་ཤུགས་དྲག་གིས་བརྡབས་ནས།།
རིགས་པའི་མེ་ལྕེ་ཞིག་སྤར་འདོད།།
ལས་དང་བསོད་ནམས་ཤིག་མེད་པས།།
ཁྱེད་དང་རྒྱང་རིང་དུ་གྱུར་སོང་།།
དད་པ་དམ་ཚིག་ཅིག་ཡོད་ན།།
ཐུགས་རྗེའི་གཟིགས་པ་དེ་མ་ཆུང་།།
འགྲོ་ཁར་བཤེས་གཉེན་གྱི་བསླབ་བྱ།།
སྙིང་ཁོང་རུས་གསེབ་ན་བཞག་ཡོད།།
རྟག་ཏུ་གསོལ་འདེབས་རེ་བྱེད་ན།།
བླ་མའི་ཐུགས་རྗེ་ཞིག་གཟིགས་རོགས།།
རྩ་གསུམ་ཀུན་འདུས་ཀྱི་བླ་མ།།
ཚངས་སྤྱོད་རིགས་སྨྲ་ཡི་ཆོས་གྲོགས།།
དབེན་གནས་གདན་ས་ཡི་ཞིང་ཁམས།།
དད་པའི་རྟེན་མཆོག་ཉིད་ཡིན་འདུག།
ཆོས་ཀུན་གདོད་དག་གི་དབྱིངས་ནས།།
ཐུགས་རྗེའི་སྒྱུ་འཕྲུལ་གྱི་དྲ་བས།།
ཉམས་ཐག་ལོག་ཞུགས་ཀྱི་བུ་ལ།།
ནམ་ཡང་དམ་དམ་དུ་འཆིང་རོགས།།
༢༠༡༣། ཟླ་བ། ༣། ༢༡། ཉིན་གདན་སའི་དགེ་བའི་བཤེས་གཉེན་རྣམ་པ་དང་ཆོས་གྲོགས་རྣམས་ཤིན་ཏུ་དྲན་ཞིང་། དེ་དག་གི་ཞལ་རས་དང་ལྷག་པར་བརྒལ་བརྟག་བགྱིས་པའི་སྟངས་སྟབས་རྣམས་ཀྱང་ཡིད་ལ་དབང་མེད་དུ་འཁོར་ཏེ། བྷུན་ཏར་དགེ་འོས་མཐོ་སློབ་ཀྱི་གློག་ཀླད་ཁང་ནས་ཐོལ་བྱུང་དུ་བྲིས་སོ།།
