ལེགས་གྲུབ་ཀྱི་དགའ་སྟོན། སྒྲུབ་པའི་མཆོད་སྤྲིན།
གང་གིས་བྱིན་པའི་མགོ་བོ་མཐོན་པོ་དེ།།
གཞན་གྱི་མགོ་བོ་དག་དང་ལྷན་ཅིག་ཏུ།།
བགྲེང་བའི་སྤོབས་པ་སྟེར་བའི་ཡབ་ཆེན་གང་།།
དེ་རིང་ཁྱེད་ཀྱིས་རྒྱང་ནས་དགྱེས་གཟིགས་མཛོད།།
ཆུང་ངུའི་དུས་ནས་དེབ་སྨྱུག་ཛར་ཛོར་འགའ།།
བྱིས་པའི་རྩེད་ཆས་ཟོལ་དུ་ཉར་བ་ནི།
ལོ་ཡི་རི་མོ་འབུར་བའི་དུས་ཚིགས་སུ།།
དེབ་སྨྱུག་དགའ་མར་བསུ་བའི་རྟེན་འབྲེལ་ལགས།།
མཚུངས་མེད་ཡབ་ཆེན་དམ་པའི་བཀའ་དྲིན་དང་།།
མཁས་དབང་དགེ་རྒན་གང་གི་བྱིན་རླབས་ཀྱིས།།
བླུན་པོའི་ཁྲོད་དུ་ང་རོ་མི་སྒྲོག་པར།།
མཁས་པའི་གྲལ་དུ་འཚང་བའི་སྙིང་སྟོབས་བྱིན།།
མནའ་དེང་རིག་པའི་གཞུང་གི་ཁོག་སྦུབས་ནས།།
ཨིན་བོད་གཙུག་ལག་ཉིང་ཁུ་གཞིབ་པ་ལས།།
དེང་གི་དུས་འདིར་ཨིན་བོད་བརྡ་སྤྲོད་ཀྱི།།
གཏམ་གསར་འདི་ཉིད་འཁྲུངས་ལ་དགའ་བར་མཛོད།།
མཁས་པའི་སྤྱན་སྔར་སྒྲུབ་པའི་མཆོད་སྤྲིན་དང་།།
ན་མཉམ་མདུན་དུ་ལེགས་བཤད་ནོར་བུའི་ཕྲེང་།།
བླུན་པའི་མིག་སྔར་དུག་གི་ཚེར་མ་བཞིན།།
གཏམ་གསར་འདི་ཡི་ཁྱད་ཆོས་ཉིད་དུ་འཁུམས།།
བེ་རི་མཁས་པའི་ཐུགས་ཀྱི་ཁང་བཟངས་ནས།།
བྱུང་བའི་ལེགས་པར་བཤད་པའི་འོད་དཀར་ཕྲེང་།།
ཁོ་བོའི་སྙིང་ལ་དལ་གྱིས་སིམ་པ་ན།།
མཆོད་སྤྲིན་མཁའ་ལ་རྩེན་པ་དངོས་པོའི་གཤིས།།
བེ་རི་མཁས་པའི་གསུང་སྐྱེས་སློབ་མའི་ཚོགས།།
གང་གའི་རྡུལ་ལ་སྙེད་པའི་དཀྱིལ་འཁོར་ན།།
འཆད་རྩོད་རྩོམ་པའི་དཔལ་ལ་མངའ་བརྙེས་པ།།
བེ་རི་མཁས་པའི་ཐུགས་སྲས་ཁོ་བོ་ཙམ།།
བྱུང་བའི་ལེགས་པར་བཤད་པའི་འོད་དཀར་ཕྲེང་།།
ཁོ་བོའི་སྙིང་ལ་དལ་གྱིས་སིམ་པ་ན།།
མཆོད་སྤྲིན་མཁའ་ལ་རྩེན་པ་དངོས་པོའི་གཤིས།།
བེ་རི་མཁས་པའི་གསུང་སྐྱེས་སློབ་མའི་ཚོགས།།
གང་གའི་རྡུལ་ལ་སྙེད་པའི་དཀྱིལ་འཁོར་ན།།
འཆད་རྩོད་རྩོམ་པའི་དཔལ་ལ་མངའ་བརྙེས་པ།།
བེ་རི་མཁས་པའི་ཐུགས་སྲས་ཁོ་བོ་ཙམ།།
ཁོ་བོའི་རྣམ་དཔྱོད་ཀུ་ཤའི་རྩེ་མོ་ཡིས།།
ཤེས་རིག་རྒྱ་མཚོའི་ངོགས་ཀྱི་ཆུ་ཐིགས་ཙམ།།
བླངས་ནས་ན་མཉམ་བློ་གསལ་གཞོན་ནུ་འགར།།
སྐོམ་པའི་གདུང་བའི་སེལ་བའི་དཔྱིད་དུ་སྤེལ།།
དེང་གི་དུས་འདིར་བླུན་པོ་ལག་གདང་གིས།།
བློ་གསལ་མཁས་པའི་ཚོགས་རྣམས་རྒྱང་དུ་སྐྱུགས།།
ཁྱི་རྒན་ཡ་སོ་ངོམས་པའི་ས་ཕུག་དེར།།
ངུ་ཟུག་དྲག་པོས་གནམ་ས་གཡོ་བར་བརྩམས།།
དེང་གི་དུས་འདིར་ལོ་གྲངས་རྒས་གྱུར་ན།།
བླུན་པོ་ཡིན་ཡང་གཙུག་ཏོར་ཇི་བཞིན་ནོ།།
ཤེས་རབ་རྒྱ་མཚོའི་ངོས་ལྟར་ཡངས་པ་ཡང་།།
གཞོན་ནུར་གྱུར་ན་ཚད་མར་འཛིན་པར་དཀོན།། ( འདི་ས་པན་གྱི་གསུང་ལས་གཡར། )
ས་པན་མཆོག་གིས་དགུང་ལོ་ཉེར་གཉིས་ལ།།
བོད་ཀྱི་བརྡ་སྤྲོད་སྒྲ་ལ་འཇུག་པ་སྦྱར།།
བེ་རི་རྒྱལ་སྲས་ཕོ་ལོ་ཉེར་ལྔ་ལ།།
ཨིན་བོད་གཉིས་ཀྱི་བརྡ་སྤྲོད་གཞུང་ལུགས་རྩོམ།།
དེང་གི་དུས་འདིར་མཁས་མིང་འཛིན་པ་འགས།།
ལོ་གྲངས་དུ་མར་འབད་པས་ཞུགས་ན་ཡང་།།
མ་སླེབས་ཕྱི་ནང་རིག་པའི་ཁང་བཟངས་ཀྱི།།
རྐས་ལ་འཛེགས་པའི་རིགས་པའི་དཔའ་བོ་གང་།།
ཆུང་ངུའི་དུས་ནས་ཡབ་ཀྱི་བྱམས་སྐྱོང་དང་།།
དགེ་རྒན་མཁས་པའི་གསོ་སྐྱོང་བཀའ་དྲིན་འོག།
དེང་གི་དུས་འདིར་ཡབ་རྗེ་རྣམ་གཉིས་ལ།།
སྒྲུབ་པའི་མཆོད་སྤྲིན་བསྟར་བའི་སྐལ་བཟང་མངོན།།
བླུན་པོས་བརྙས་ཀྱང་མཁས་པའི་བསྔགས་བརྗོད་ཡོད།།
ཁྱེད་ཀྱིས་སྨད་ཀྱང་ཁོང་གིས་ཆེ་མཐོང་གནང་།།
བླུན་པོའི་ཁྲོད་དུ་ཐལ་རྩེད་མི་རྩེ་བར།།
མཁས་པའི་དྲུང་དུ་ལེགས་བཤད་སྨྲ་བ་གང་།།
དེ་ཉིད་ཕྱིར་ན་དག་པའི་ཞིང་ཁམས་ནས།།
ཡབ་ཡུམ་དམ་པས་རྒྱང་ནས་དགྱེས་གཟིགས་མཛོད།།
གང་ཁྱེད་རིགས་སྲས་བེ་རི་སྨྱོན་ཕྲུག་གིས།།
མཁས་པའི་རྒྱལ་མཚན་མཁའ་ལ་སྒྲེང་བཞིན་ཡོད།།
ད་ནས་དབུགས་ཀྱི་རྒྱུ་བ་མ་ཆད་བར།།
དཔལ་དང་འབྱོར་བས་ཤིན་ཏུ་ཕོངས་གྱུར་ཀྱང་།།
འཆད་རྩོད་རྩོམ་པའི་བྱ་བས་དུས་འདའ་ནས།།
ཁྱེད་ཀྱི་ཁྲག་རུས་ནམ་ཡང་རྫེད་མི་ཡོང་།།
ཞེས་པ་འདི་ནི་རང་གི་ཡབ་ཆེན་དམ་པ་དང་དགེ་རྒན་མཁས་པའི་བཀའ་དྲིན་བསམ་ཞིང་། དེ་དག་ལ་སྒྲུབ་པའི་མཆོད་པ་ཅུང་ཙམ་རེ་ཡོང་བར་རེ་ནས་ངལ་བསོ་བའི་བར་སྐབས་ཀྱི་ཚིགས་སུ་བཅད་པ་འདི་བེ་རི་དཔལ་ལྡན་ཕྱོགས་ལས་རྣམ་པར་རྒྱལ་བ་ཕྱི་ནང་རིག་པའི་རྣམ་དཔྱོད་མཆོག་ཏུ་འབར་བའི་སྡེས་སྦྱར་བའོ།།
ཤེས་རིག་རྒྱ་མཚོའི་ངོགས་ཀྱི་ཆུ་ཐིགས་ཙམ།།
བླངས་ནས་ན་མཉམ་བློ་གསལ་གཞོན་ནུ་འགར།།
སྐོམ་པའི་གདུང་བའི་སེལ་བའི་དཔྱིད་དུ་སྤེལ།།
དེང་གི་དུས་འདིར་བླུན་པོ་ལག་གདང་གིས།།
བློ་གསལ་མཁས་པའི་ཚོགས་རྣམས་རྒྱང་དུ་སྐྱུགས།།
ཁྱི་རྒན་ཡ་སོ་ངོམས་པའི་ས་ཕུག་དེར།།
ངུ་ཟུག་དྲག་པོས་གནམ་ས་གཡོ་བར་བརྩམས།།
དེང་གི་དུས་འདིར་ལོ་གྲངས་རྒས་གྱུར་ན།།
བླུན་པོ་ཡིན་ཡང་གཙུག་ཏོར་ཇི་བཞིན་ནོ།།
ཤེས་རབ་རྒྱ་མཚོའི་ངོས་ལྟར་ཡངས་པ་ཡང་།།
གཞོན་ནུར་གྱུར་ན་ཚད་མར་འཛིན་པར་དཀོན།། ( འདི་ས་པན་གྱི་གསུང་ལས་གཡར། )
ས་པན་མཆོག་གིས་དགུང་ལོ་ཉེར་གཉིས་ལ།།
བོད་ཀྱི་བརྡ་སྤྲོད་སྒྲ་ལ་འཇུག་པ་སྦྱར།།
བེ་རི་རྒྱལ་སྲས་ཕོ་ལོ་ཉེར་ལྔ་ལ།།
ཨིན་བོད་གཉིས་ཀྱི་བརྡ་སྤྲོད་གཞུང་ལུགས་རྩོམ།།
དེང་གི་དུས་འདིར་མཁས་མིང་འཛིན་པ་འགས།།
ལོ་གྲངས་དུ་མར་འབད་པས་ཞུགས་ན་ཡང་།།
མ་སླེབས་ཕྱི་ནང་རིག་པའི་ཁང་བཟངས་ཀྱི།།
རྐས་ལ་འཛེགས་པའི་རིགས་པའི་དཔའ་བོ་གང་།།
ཆུང་ངུའི་དུས་ནས་ཡབ་ཀྱི་བྱམས་སྐྱོང་དང་།།
དགེ་རྒན་མཁས་པའི་གསོ་སྐྱོང་བཀའ་དྲིན་འོག།
དེང་གི་དུས་འདིར་ཡབ་རྗེ་རྣམ་གཉིས་ལ།།
སྒྲུབ་པའི་མཆོད་སྤྲིན་བསྟར་བའི་སྐལ་བཟང་མངོན།།
བླུན་པོས་བརྙས་ཀྱང་མཁས་པའི་བསྔགས་བརྗོད་ཡོད།།
ཁྱེད་ཀྱིས་སྨད་ཀྱང་ཁོང་གིས་ཆེ་མཐོང་གནང་།།
བླུན་པོའི་ཁྲོད་དུ་ཐལ་རྩེད་མི་རྩེ་བར།།
མཁས་པའི་དྲུང་དུ་ལེགས་བཤད་སྨྲ་བ་གང་།།
དེ་ཉིད་ཕྱིར་ན་དག་པའི་ཞིང་ཁམས་ནས།།
ཡབ་ཡུམ་དམ་པས་རྒྱང་ནས་དགྱེས་གཟིགས་མཛོད།།
གང་ཁྱེད་རིགས་སྲས་བེ་རི་སྨྱོན་ཕྲུག་གིས།།
མཁས་པའི་རྒྱལ་མཚན་མཁའ་ལ་སྒྲེང་བཞིན་ཡོད།།
ད་ནས་དབུགས་ཀྱི་རྒྱུ་བ་མ་ཆད་བར།།
དཔལ་དང་འབྱོར་བས་ཤིན་ཏུ་ཕོངས་གྱུར་ཀྱང་།།
འཆད་རྩོད་རྩོམ་པའི་བྱ་བས་དུས་འདའ་ནས།།
ཁྱེད་ཀྱི་ཁྲག་རུས་ནམ་ཡང་རྫེད་མི་ཡོང་།།
ཞེས་པ་འདི་ནི་རང་གི་ཡབ་ཆེན་དམ་པ་དང་དགེ་རྒན་མཁས་པའི་བཀའ་དྲིན་བསམ་ཞིང་། དེ་དག་ལ་སྒྲུབ་པའི་མཆོད་པ་ཅུང་ཙམ་རེ་ཡོང་བར་རེ་ནས་ངལ་བསོ་བའི་བར་སྐབས་ཀྱི་ཚིགས་སུ་བཅད་པ་འདི་བེ་རི་དཔལ་ལྡན་ཕྱོགས་ལས་རྣམ་པར་རྒྱལ་བ་ཕྱི་ནང་རིག་པའི་རྣམ་དཔྱོད་མཆོག་ཏུ་འབར་བའི་སྡེས་སྦྱར་བའོ།།
