ཀ་རྩོམ་དབུ་འཛིན་བསྟོད་གླུ།
ཀ་ར་ལྟ་བུ་མངར་བའི་ཁྱེད་ཀྱི་བཀའ།།
ཁ་ཙམ་མིན་པར་སློབ་ཕྲུག་ང་ཚོའི་ཆེད།།
ག་དུས་ཡིན་ཡང་རྫ་ཆུ་བཞིན་དུ་འབབ།།
ང་ཚོ་ཚང་མས་སྙིང་ལ་བཅངས་ནས་ཡོད།།
ཅ་ཅོ་སྐད་གཉིས་སྨྲ་བའི་ལོ་ཙཱ་བ།།
ཆ་ལུགས་བཟང་པོས་བོད་ལ་ཞབས་ཞུ་ཞུས།།
ཇ་ཡུན་སྐབས་ལའང་ཕྱག་ལས་གནང་མཛད་དེ།།
ཉ་གང་ཟླ་བ་ཁྱེད་འདྲ་རྙེད་པར་དཀའ།།
ཏཱ་ར་ན་ཐ་བཞིན་དུ་མཁས་པ་དང་།།
ཐ་མག་ཆང་རག་མི་བཞེས་སྤྱོད་བཟང་ལྡན།།
ད་དུང་མ་བཅོས་ཐུགས་ཁུར་ཆེན་པོ་ཡིས།།
ན་གཞོན་རྣམས་ལ་ལམ་སྟོན་ཁྱེད་ཀྱིས་གནང་།།
པ་ལགས་བཞིན་དུ་བཀའ་སློབ་བསྩལ་བ་དང་།།
ཕ་མ་བཞིན་དུ་བྱམས་སྐྱོང་གནང་མཛད་དེ།།
བ་སོ་བཞིན་དུ་དཀར་བའི་ཁྱེད་ཀྱི་ཐུགས།།
མ་བརྗེད་སེམས་ལ་བཞག་ཡོད་དབུ་འཛིན་ལགས།།
ཙ་ག་ཙིག་གེ་བྱ་བ་ཆེ་ཆུང་ཀུན།།
ཚ་ག་ཚིག་གེ་མེད་པར་གནང་མཛད་དེ།།
ཛ་ར་ཛོ་རེ་མེད་པའི་གནང་ལུགས་འདིས།།
ཝ་ལེར་ངེད་ཅག་རྣམས་ལ་ལམ་སྟོན་གནང་།།
ཞ་ག་ཞི་གེར་གྱུར་པའི་བོད་ཀྱོ་དོན།། ཀ་ར་ལྟ་བུ་མངར་བའི་ཁྱེད་ཀྱི་བཀའ།།
ཁ་ཙམ་མིན་པར་སློབ་ཕྲུག་ང་ཚོའི་ཆེད།།
ག་དུས་ཡིན་ཡང་རྫ་ཆུ་བཞིན་དུ་འབབ།།
ང་ཚོ་ཚང་མས་སྙིང་ལ་བཅངས་ནས་ཡོད།།
ཅ་ཅོ་སྐད་གཉིས་སྨྲ་བའི་ལོ་ཙཱ་བ།།
ཆ་ལུགས་བཟང་པོས་བོད་ལ་ཞབས་ཞུ་ཞུས།།
ཇ་ཡུན་སྐབས་ལའང་ཕྱག་ལས་གནང་མཛད་དེ།།
ཉ་གང་ཟླ་བ་ཁྱེད་འདྲ་རྙེད་པར་དཀའ།།
ཏཱ་ར་ན་ཐ་བཞིན་དུ་མཁས་པ་དང་།།
ཐ་མག་ཆང་རག་མི་བཞེས་སྤྱོད་བཟང་ལྡན།།
ད་དུང་མ་བཅོས་ཐུགས་ཁུར་ཆེན་པོ་ཡིས།།
ན་གཞོན་རྣམས་ལ་ལམ་སྟོན་ཁྱེད་ཀྱིས་གནང་།།
པ་ལགས་བཞིན་དུ་བཀའ་སློབ་བསྩལ་བ་དང་།།
ཕ་མ་བཞིན་དུ་བྱམས་སྐྱོང་གནང་མཛད་དེ།།
བ་སོ་བཞིན་དུ་དཀར་བའི་ཁྱེད་ཀྱི་ཐུགས།།
མ་བརྗེད་སེམས་ལ་བཞག་ཡོད་དབུ་འཛིན་ལགས།།
ཙ་ག་ཙིག་གེ་བྱ་བ་ཆེ་ཆུང་ཀུན།།
ཚ་ག་ཚིག་གེ་མེད་པར་གནང་མཛད་དེ།།
ཛ་ར་ཛོ་རེ་མེད་པའི་གནང་ལུགས་འདིས།།
ཝ་ལེར་ངེད་ཅག་རྣམས་ལ་ལམ་སྟོན་གནང་།།
ཟ་ང་ཟིང་ངེར་མེད་པར་སྒྲུབ་གནང་བའི།།
འ་ཅག་སློབ་སྤྱི་མཆོག་གི་བཀའ་སློབ་དེ།།
ཡ་ཡ་ཞུས་ནས་ང་ཚོས་ཉན་དང་ཉན།།
ར་སྤྲོད་གནང་སྟངས་ཤིན་ཏུ་མཁས་པོ་ཡིས།།
ལ་ལུང་ཀུན་ནས་ཕེབས་པའི་སློབ་མ་ལ།།
ཤ་ཚ་སྙིང་རྗེ་ཆེན་པོས་བཀའ་གནང་མཁན།།
ས་སྟེང་འདི་ན་ཁྱེད་འདྲ་ཧ་ཅང་དཀོན།།
ཧ་ཧ་སྒྲོག་བཞིན་སློབ་ཕྲུག་ཀུན་དང་ལྷན།།
ཧ་ཅང་ཐབས་ལམ་མཁས་པས་སློབ་ཁྲིད་གནང་།།
ཨ་ཕྲུག་བོད་ཀྱི་སོན་རྩ་གཞོན་ནུ་ལ།།
ཨ་རེ་ཁྱེད་ནི་ཤིན་ཏུ་དགོས་མཁོ་ཆེ།།
༢༠༡༢། ༡༡། ༩ ཉིན་བྷུན་ཏར་མཐོ་སློབ་ཀྱི་སྒྱུ་རྩལ་འཛིན་གྲྭའི་ནང་སྒྱུ་རྩལ་འཛིན་གྲྭའི་སློབ་མ་རྣམས་དང་དགེ་རྒན་མཉམ་རུབ་ཀྱིས་ཀ་ཁའི་གོ་རིམ་བཞིན་ངག་ནས་བརྗོད་བཞིན་ཚང་མས་དུས་གཅིག་ལ་བྲིས་ཤིང་། མཇུག་གི་ཤོ་ལོ་ཀ་གཅིག་དེ་དགེ་རྒན་གྱིས་བསྣན་པའོ།།
