༄༅། །ན་མོ་མཉྫུ་གྷོ་ཥཱ་ཡ།
ཁམས་གསུམ་ཆོས་ཀྱི་རྒྱལ་པོ་ཤར་རྒྱལ་བ་ཙོང་ཁ་པ་ཆེན་པོ་རྗེ་བློ་བཟང་གྲགས་པའི་དཔལ་གྱིས་མཛད་པའི་བྱང་ཆུབ་ལམ་གྱི་རིམ་པའི་ས་བཅད་བཞུགས་སོ།།
བྱང་ཆུབ་ལམ་གྱི་རིམ་པའི་འཁྲིད་ལ་བཞི།
1. ཆོས་ཁུངས་བཙུན་པར་བསྟན་པའི་ཕྱིར་མཛད་པ་པོའི་ཆེ་བ་བསྟན་པ་དང་།
2. གདམས་ངག་ལ་གུས་པ་བསྐྱེད་པའི་ཕྱིར་ཆོས་ཀྱི་ཆེ་བ་བསྟན་པ་དང་།
3. ཆེ་བ་གཉིས་དང་ལྡན་པའི་ཆོས་ལ་ཉན་བཤད་ཇི་ལྟར་བྱ་བ་དང་།
4. གདམས་པ་དངོས་ཀྱིས་སློབ་མ་ཇི་ལྟར་བཀྲི་བའི་རིམ་པའོ། །
དང་པོ་ཆོས་ཁུངས་བཙུན་པར་བསྟན་པའི་ཕྱིར་མཛད་པ་པོའི་ཆེ་བ་བསྟན་པ་ལ་གསུམ།
1. རིགས་ཕུན་སུམ་ཚོགས་པར་སྐྱེ་བ་བཞེས་པའི་ཚུལ།
2. རྟེན་དེ་ལ་ཡོན་ཏན་བརྙེས་པའི་ཚུལ།
3. བརྙེས་ནས་བསྟན་པ་ལ་བྱ་བ་མཛད་པའི་ཚུལ་ལོ། །
གཉིས་པ་རྟེན་དེ་ལ་ཡོན་ཏན་བརྙེས་པའི་ཚུལ་ལ་གཉིས།
1. མང་དུ་མཁྱེན་པ་ལུང་གི་ཡོན་ཏན་བརྙེས་ཚུལ་དང་།
2. ཚུལ་བཞིན་བསྒྲུབས་པ་རྟོགས་པའི་ཡོན་ཏན་བརྙེས་ཚུལ་ལོ། །
གཉིས་པ་ཚུལ་བཞིན་བསྒྲུབས་པ་རྟོགས་པའི་ཡོན་ཏན་བརྙེས་ཚུལ་ལ་གསུམ།
1. ལྷག་པ་ཚུལ་ཁྲིམས་ཀྱི་བསླབ་པ་དང་ལྡན་པ།
2. ལྷག་པ་ཏིང་ངེ་འཛིན་གྱི་བསླབ་པ་དང་ལྡན་པ།
3. ལྷག་པ་ཤེས་རབ་ཀྱི་བསླབ་པ་དང་ལྡན་པའོ། །
དང་པོ་ལྷག་པ་ཚུལ་ཁྲིམས་ཀྱི་བསླབ་པ་དང་ལྡན་པ་ལ་གསུམ།
1. སོ་སོ་ཐར་པའི་སྡོམ་པ་དང་ལྡན་པའི་ཚུལ།
2. བྱང་ཆུབ་སེམས་དཔའི་སྡོམ་པ་དང་ལྡན་པའི་ཚུལ།
3. རིག་པ་འཛིན་པའི་སྡོམ་པ་དང་ལྡན་པའི་ཚུལ་ལོ། །
གཉིས་པ་ཏིང་ངེ་འཛིན་གྱི་བསླབ་པ་དང་ལྡན་པ་ལ་གཉིས།
1. ཐུན་མོང་བ་དང་།
2. ཐུན་མོང་མིན་པའོ། །
གསུམ་པ་ཤེས་རབ་ཀྱི་བསླབ་པ་དང་ལྡན་པ་ལ་གཉིས།
1. ཐུན་མོང་དང་།
2. ཐུན་མོང་མ་ཡིན་པའོ། །
གསུམ་པ་བརྙེས་ནས་བསྟན་པ་ལ་བྱ་བ་མཛད་པ་ལ་གཉིས།
1. རྒྱ་གར་དུ་མཛད་ཚུལ་དང་།
2. བོད་དུ་མཛད་ཚུལ་ལོ། །
གཉིས་པ་གདམས་ངག་ལ་གུས་པ་བསྐྱེད་པའི་ཕྱིར་ཆོས་ཀྱི་ཆེ་བ་བསྟན་པ་ལ་བཞི།
1. བསྟན་པ་ཐམས་ཅད་འགལ་མེད་དུ་རྟོགས་པའི་ཆེ་བ།
2. གསུང་རབ་ཐམས་ཅད་གདམས་ངག་ཏུ་འཆར་བའི་ཆེ་བ།
3. རྒྱལ་བའི་དགོངས་པ་བདེ་བླག་ཏུ་རྙེད་པའི་ཆེ་བ།
4. ཉེས་སྤྱོད་ཆེན་པོ་རང་འགགས་སུ་འགྲོ་བའི་ཆེ་བའོ། །
གསུམ་པ་ཆེ་བ་གཉིས་དང་ལྡན་པའི་ཆོས་ལ་ཉན་བཤད་ཇི་ལྟར་བྱ་བ་ལ་གསུམ།
1. ཉན་པའི་ཚུལ་དང་།
2. བཤད་པའི་ཚུལ་དང་།
3. མཇུག་ཏུ་ཐུན་མོང་དུ་བྱ་བའི་ཚུལ་ལོ། །
དང་པོ་ཉན་པའི་ཚུལ་ལ་གསུམ།
1. ཆོས་ཐོས་པའི་ཕན་ཡོན་བསམ་པ།
2. ཆོས་དང་ཆོས་སྨྲ་བ་ལ་རིམ་གྲོ་བྱེད་པ།
3. ཉན་པའི་ཚུལ་དངོས་སོ། །
གསུམ་པ་ཉན་པའི་ཚུལ་དངོས་ལ་གཉིས།
1. སྣོད་ཀྱི་སྐྱོན་གསུམ་སྤང་བ།
2. འདུ་ཤེས་དྲུག་བསྟེན་པའོ། །
གཉིས་པ་འདུ་ཤེས་དྲུག་བསྟེན་པ་ལ་དྲུག
1. རང་ལ་ནད་པ་ལྟ་བུའི་འདུ་ཤེས།
2. ཆོས་སྨྲ་བ་ལ་སྨན་པའི་འདུ་ཤེས།
3. རྗེས་སུ་བསྟན་པ་ལ་སྨན་གྱི་འདུ་ཤེས།
4. ནན་ཏན་ཉམས་སུ་བླངས་པ་ལ་ནད་འཚོ་བའི་འདུ་ཤེས།
5. དེ་བཞིན་གཤེགས་པ་ལ་སྐྱེས་བུ་དམ་པའི་འདུ་ཤེས།
6. ཆོས་ཀྱི་ཚུལ་ལ་རིང་དུ་གནས་པའི་འདུ་ཤེས་བསྐྱེད་པའོ། །
གཉིས་པ་ཆོས་བཤད་པའི་ཚུལ་ལ་བཞི།
1. ཆོས་བཤད་པའི་ཕན་ཡོན་བསམ་པ།
2. སྟོན་པ་དང་ཆོས་ལ་རིམ་གྲོ་བསྐྱེད་པ།
3. བསམ་པ་དང་སྦྱོར་བ་ཇི་ལྟ་བུས་བཤད་པ།
4. ཡུལ་གང་ལ་བཤད་པ་དང་མི་བཤད་པའི་ཁྱད་པར་རོ། །
བཞི་པ་གདམས་པ་དངོས་ཀྱིས་སློབ་མ་ཇི་ལྟར་བཀྲི་བའི་རིམ་པ་ལ་གཉིས།
1. ལམ་གྱི་རྩ་བ་བཤེས་གཉེན་བསྟེན་པའི་ཚུལ་དང་།
2. བསྟེན་ནས་བློ་ཇི་ལྟར་སྦྱང་བའི་རིམ་པའོ། །
དང་པོ་ལམ་གྱི་རྩ་བ་བཤེས་གཉེན་བསྟེན་པའི་ཚུལ་ལ་གཉིས།
1. ངེས་པ་བསྐྱེད་པའི་ཕྱིར་ཅུང་ཟད་སྤྲོས་ཏེ་བཤད་པ་དང་།
2. སྐྱོང་ཚུལ་མདོར་བསྡུས་ཏེ་བསྟན་པའོ། །
དང་པོ་ངེས་པ་བསྐྱེད་པའི་ཕྱིར་ཅུང་ཟད་སྤྲོས་ཏེ་བཤད་པ་ལ་དྲུག
1. བསྟེན་བྱ་དགེ་བའི་བཤེས་གཉེན་གྱི་མཚན་ཉིད།
2. སྟེན་བྱེད་སློབ་མའི་མཚན་ཉིད།
3. དེས་དེ་ཇི་ལྟར་བསྟེན་པའི་ཚུལ།
4. བསྟེན་པའི་ཕན་ཡོན།
5. མ་བསྟེན་པའི་ཉེས་དམིགས།
6. དེ་དག་གི་དོན་བསྡུ་བའོ། །
གསུམ་པ་དེས་དེ་ཇི་ལྟར་བསྟེན་པའི་ཚུལ་ལ་གཉིས།
1. བསམ་པས་བསྟེན་ཚུལ་དང་།
2. སྦྱོར་བས་བསྟེན་ཚུལ་ལོ། །
དང་པོ་བསམ་པས་བསྟེན་ཚུལ་ལ་གསུམ།
1. བསྟེན་པའི་བསམ་པ་སྤྱིར་བསྟན་པ་དང་།
2. ཁྱད་པར་དུ་རྩ་བ་དད་པ་སྦྱང་བ་དང་།
3. བཀའ་དྲིན་རྗེས་སུ་དྲན་ཏེ་གུས་པར་བྱ་བའོ། །
གཉིས་པ་སྐྱོང་ཚུལ་མདོར་བསྡུས་ཏེ་བསྟན་པ་ལ་གཉིས།
1. སྐྱོང་ཚུལ་དངོས་དང་།
2. དེ་ལ་ལོག་རྟོག་དགག་པའོ། །
དང་པོ་སྐྱོང་ཚུལ་དངོས་ལ་གཉིས།
1. ཐུན་གྱི་ངོ་བོ་ལ་ཇི་ལྟར་བྱ་བ་དང་།
2. ཐུན་མཚམས་སུ་ཇི་ལྟར་བྱ་བའོ། །
དང་པོ་ཐུན་གྱི་ངོ་བོ་ལ་ཇི་ལྟར་བྱ་བ་ལ་གསུམ།
1. སྦྱོར་བའི་ཆོས།
2. དངོས་གཞི་ལ་ཇི་ལྟར་བསྐྱང་བ་དང་།
3. མཇུག་ཏུ་ཇི་ལྟར་བྱ་བའོ། །
གཉིས་པ་དངོས་གཞི་ལ་ཇི་ལྟར་བསྐྱང་བ་ལ་གཉིས།
1. སྤྱིའི་སྐྱོང་ཚུལ་དང་།
2. སྐབས་འདིའི་སྐྱོང་ཚུལ་ལོ། །
གཉིས་པ་བསྟེན་ནས་བློ་ཇི་ལྟར་སྦྱང་བའི་རིམ་པ་ལ་གཉིས།
1. དལ་བའི་རྟེན་ལ་སྙིང་པོ་བླང་བའི་ཕྱིར་དུ་བསྐུལ་བ་དང་།
2. སྙིང་པོ་ཇི་ལྟར་ལེན་པའི་ཚུལ་ལོ། །
དང་པོ་དལ་བའི་རྟེན་ལ་སྙིང་པོ་བླང་བའི་ཕྱིར་དུ་བསྐུལ་བ་ལ་གསུམ།
1. དལ་འབྱོར་ངོས་བཟུང་བ་དང་།
2. དེ་དོན་ཆེ་བ་བསམ་པ་དང་།
3. རྙེད་དཀའ་བ་བསམ་པའོ། །
དང་པོ་དལ་འབྱོར་ངོས་བཟུང་བ་ལ་གཉིས།
1. དལ་བ་ངོས་བཟུང་བ་དང་།
2. འབྱོར་པ་ངོས་བཟུང་བའོ། །
གཉིས་པ་འབྱོར་པ་ངོས་བཟུང་བ་ལ་གཉིས།
1. རང་འབྱོར་དང་།
2. གཞན་འབྱོར་རོ། །
གཉིས་པ་སྙིང་པོ་ཇི་ལྟར་ལེན་པའི་ཚུལ་ལ་གཉིས།
1. ལམ་སྤྱིའི་རྣམ་གཞག་ལ་ངེས་པ་བསྐྱེད་པ་དང་།
2. དེ་ལ་སྙིང་པོ་ལེན་ཚུལ་དངོས་སོ། །
དང་པོ་ལམ་སྤྱིའི་རྣམ་གཞག་ལ་ངེས་པ་བསྐྱེད་པ་ལ་གཉིས།
1. སྐྱེས་བུ་གསུམ་གྱི་ལམ་དུ་གསུང་རབ་ཐམས་ཅད་འདུ་ཚུལ་དང་།
2. སྐྱེས་བུ་གསུམ་གྱི་ལམ་གྱི་སྒོ་ནས་རིམ་པ་བཞིན་དུ་འཁྲིད་པའི་རྒྱུ་མཚན་བསྟན་པའོ། །
གཉིས་པ་སྐྱེས་བུ་གསུམ་གྱི་ལམ་གྱི་སྒོ་ནས་རིམ་པ་བཞིན་དུ་འཁྲིད་པའི་རྒྱུ་མཚན་བསྟན་པ་ལ་གཉིས།
1. སྐྱེས་བུ་གསུམ་གྱི་ལམ་གྱི་སྒོ་ནས་འཁྲིད་པའི་དོན་གང་ཡིན་པ་དང་།
2. རིམ་པ་དེ་ལྟར་འཁྲིད་པའི་རྒྱུ་མཚན་བསྟན་པའོ། །
གཉིས་པ་རིམ་པ་དེ་ལྟར་འཁྲིད་པའི་རྒྱུ་མཚན་བསྟན་པ་ལ་གཉིས།
1. རྒྱུ་མཚན་དངོས་དང་།
2. དགོས་པའོ། །
གཉིས་པ་དེ་ལ་སྙིང་པོ་ལེན་ཚུལ་དངོས་ལ་གསུམ།
1. སྐྱེས་བུ་ཆུང་ངུ་དང་ཐུན་མོང་བའི་ལམ་གྱི་རིམ་པ་ལ་བློ་སྦྱང་བ་དང་།
2. འབྲིང་དང་ཐུན་མོང་བའི་ལམ་གྱི་རིམ་པ་ལ་བློ་སྦྱང་བ་དང་།
3. སྐྱེས་བུ་ཆེན་པོའི་ལམ་གྱི་རིམ་པ་ལ་བློ་སྦྱང་བའོ། །
དང་པོ་སྐྱེས་བུ་ཆུང་ངུ་དང་ཐུན་མོང་བའི་ལམ་གྱི་རིམ་པ་ལ་བློ་སྦྱང་བ་ལ་གསུམ།
1. ཆུང་ངུའི་བསམ་པ་སྦྱང་བ་དངོས།
2. བསམ་པ་དེ་སྐྱེས་པའི་ཚད།
3. དེ་ལ་ལོག་པར་རྟོག་པ་བསལ་བའོ། །
དང་པོ་ཆུང་ངུའི་བསམ་པ་སྦྱང་བ་དངོས་ལ་གཉིས།
1. འཇིག་རྟེན་ཕྱི་མ་དོན་གཉེར་གྱི་བློ་བསྐྱེད་པ་དང་།
2. འཇིག་རྟེན་ཕྱི་མར་བདེ་བའི་ཐབས་བསྟེན་པའོ། །
དང་པོ་འཇིག་རྟེན་ཕྱི་མ་དོན་གཉེར་གྱི་བློ་བསྐྱེད་པ་ལ་གཉིས།
1. འཇིག་རྟེན་འདིར་རིང་དུ་མི་གནས་པར་འཆི་བ་རྗེས་སུ་དྲན་པ་དང་།
2. འཇིག་རྟེན་ཕྱི་མར་ཇི་ལྟར་འགྱུར་པ་འགྲོ་བ་གཉིས་ཀྱི་བདེ་སྡུག་བསམ་པའོ། །
དང་པོ་འཇིག་རྟེན་འདིར་རིང་དུ་མི་གནས་པར་འཆི་བ་རྗེས་སུ་དྲན་པ་ལ་བཞི།
1. འཆི་བ་དྲན་པ་མ་བསྒོམས་པའི་ཉེས་དམིགས།
2. བསྒོམས་པའི་ཕན་ཡོན།
3. འཆི་བ་དྲན་པའི་བློ་ཇི་ལྟ་བུ་ཞིག་བསྐྱེད་པ།
4. འཆི་བ་དྲན་པ་བསྒོམ་པའི་ཚུལ་ལོ། །
གསུམ་པ་འཆི་བ་དྲན་པ་བསྒོམ་པའི་ཚུལ་ལ་གསུམ།
1. ངེས་པར་འཆི་བ་བསམ་པ་དང་།
2. ནམ་འཆི་ངེས་པ་མེད་པར་བསམ་པ་དང་།
3. འཆི་བའི་ཚེ་ཆོས་མ་གཏོགས་པ་གང་གིས་ཀྱང་མི་ཕན་པ་བསམ་པའོ། །
དང་པོ་ངེས་པར་འཆི་བ་བསམ་པ་ལ་གསུམ།
1. འཆི་བདག་ངེས་པར་འོང་ལ་དེའང་རྐྱེན་གྱིས་བཟློག་ཏུ་མེད་པ་བསམ་པ།
2. ཚེ་ལ་སྣོན་པ་མེད་ཅིང་འབྲིད་བྱེད་བར་མ་ཆད་དུ་ཡོད་པ་བསམ་པ།
3. གསོན་པའི་ཚེ་ནའང་ཆོས་བྱ་བའི་ལོང་མེད་པར་ངེས་པར་འཆི་བ་བསམ་པའོ། །
གཉིས་པ་ནམ་འཆི་ངེས་མེད་བསམ་པ་ལ་གསུམ།
1. འཛམ་བུ་གླིང་པའི་ཚེ་ལ་ངེས་པ་མེད་པ་བསམ་པ་དང་།
2. འཆི་རྐྱེན་ཤིན་ཏུ་མང་ཞིང་གསོན་རྐྱེན་ཉུང་བ་བསམ་པ་དང་།
3. ལུས་ཤིན་ཏུ་ཉམ་ཆུང་བས་ནམ་འཆི་ངེས་པ་མེད་པ་བསམ་པའོ། །
གསུམ་པ་འཆི་བའི་ཚེ་ཆོས་མ་གཏོགས་པ་གཞན་གང་གིས་ཀྱང་མི་ཕན་པ་བསམ་པ་ལ་གསུམ།
1. ལུས་ཀྱིས་མི་ཕན་པ་བསམ་པ།
2. ལོངས་སྤྱོད་ཀྱིས་མི་ཕན་པ་བསམ་པ།
3. གཉེན་གྱིས་མི་ཕན་པ་བསམ་པའོ།།
གཉིས་པ་འཇིག་རྟེན་ཕྱི་མར་ཇི་ལྟར་འགྱུར་བ། འགྲོ་བ་གཉིས་ཀྱི་བདེ་སྡུག་བསམ་པ། གཉིས་ཀྱི་ནང་ནས་ངན་འགྲོའི་སྡུག་བསྔལ་བསམ་པ་ལ་གསུམ།
1. དམྱལ་བའི་སྡུག་བསྔལ་བསམ་པ།
2. དུད་འགྲོའི་སྡུག་བསྔལ་བསམ་པ།
3. ཡི་དྭགས་ཀྱི་སྡུག་བསྔལ་བསམ་པའོ། །
དང་པོ་དམྱལ་བའི་སྡུག་བསྔལ་བསམ་པ་ལ་བཞི།
1. སེམས་ཅན་དམྱལ་བ་ཆེན་པོའི་སྡུག་བསྔལ་བསམ་པ་དང་།
2. ཉེ་འཁོར་བའི་དམྱལ་བའི་སྡུག་བསྔལ་བསམ་པ་དང་།
3. གྲང་བའི་དམྱལ་བའི་སྡུག་བསྔལ་བསམ་པ་དང་།
4. ཉི་ཚེ་བའི་དམྱལ་བའི་སྡུག་བསྔལ་བསམ་པའོ།།
དང་པོ་སེམས་ཅན་དམྱལ་བ་ཆེན་པོའི་སྡུག་བསྔལ་བསམ་པ་ལ་བརྒྱད།
1. ཡང་སོས་ཀྱི་སྡུག་བསྔལ་བསམ་པ།
2. ཐིག་ནག་གི་སྡུག་བསྔལ་བསམ་པ།
3. བསྡུས་འཇོམས་ཀྱི་སྡུག་བསྔལ་བསམ་པ།
4. ངུ་འབོད་ཀྱི་སྡུག་བསྔལ་བསམ་པ།
5. ངུ་འབོད་ཆེན་པོའི་སྡུག་བསྔལ་བསམ་པ།
6. ཚ་བའི་སྡུག་བསྔལ་བསམ་པ།
7. རབ་ཏུ་ཚ་བའི་སྡུག་བསྔལ་བསམ་པ།
8. མནར་མེད་ཀྱི་སྡུག་བསྔལ་བསམ་པའོ། །
གསུམ་པ་གྲང་བའི་དམྱལ་བའི་སྡུག་བསྔལ་བསམ་པ་བརྒྱད།
1. ཆུ་བུར་ཅན་གྱི་སྡུག་བསྔལ་བསམ་པ།
2. ཆུ་བུར་རྡོལ་བའི་ཁྱད་པར་གྱི་སྡུག་བསྔལ་བསམ་པ།
3. སོ་ཐམ་པའི་སྡུག་བསྔལ་བསམ་པ།
4. ཀྱི་ཧུད་ཟེར་བའི་སྡུག་བསྔལ་བསམ་པ།
5. ཨ་ཆུ་ཟེར་བའི་སྡུག་བསྔལ་བསམ་པ།
6. ཨུཏྤལ་ལྟར་གས་པའི་སྡུག་བསྔལ་བསམ་པ།
7. པདྨ་ལྟར་གས་པའི་ཁྱད་པར་གྱི་སྡུག་བསྔལ་བསམ་པ།
8. པདྨ་ལྟར་གས་པ་ཆེན་པོའི་ཁྱད་པར་གྱི་སྡུག་བསྔལ་བསམ་པའོ།།
གསུམ་པ་ཡི་དྭགས་ཀྱི་སྡུག་བསྔལ་བསམ་པ་ལ་གསུམ།
1. ཟས་སྐོམ་ལ་ཕྱིའི་སྒྲིབ་པ་ཡོད་པའི་སྡུག་བསྔལ་བསམ་པ།
2. ཟས་སྐོམ་ལ་ནང་གི་སྒྲིབ་པ་ཡོད་པའི་སྡུག་བསྔལ་བསམ་པ།
3. ཟས་སྐོམ་ཉིད་ལ་སྒྲིབ་པ་ཡོད་པའི་སྡུག་བསྔལ་བསམ་པའོ།།
གཉིས་པ་འཇིག་རྟེན་ཕྱི་མར་བདེ་བའི་ཐབས་བསྟེན་པ་ལ་གཉིས།
1. བསྟན་པ་ལ་འཇུག་པའི་སྒོ་དམ་པ་སྐྱབས་འགྲོ་སྦྱང་བ།
2. བདེ་ལེགས་ཐམས་ཅད་ཀྱི་རྩ་བ་ཡིད་ཆེས་ཀྱི་དད་པ་བསྐྱེད་པའོ། །
དང་པོ་བསྟན་པ་ལ་འཇུག་པའི་སྒོ་དམ་པ་སྐྱབས་འགྲོ་སྦྱང་བ་ལ་བཞི།
1. གང་ལ་བརྟེན་ནས་སྐྱབས་སུ་འགྲོ་བའི་རྒྱུ།
2. དེ་ལ་བརྟེན་ནས་སྐྱབས་སུ་འགྲོ་བའི་ཡུལ།
3. ཇི་ཙམ་གྱིས་སྐྱབས་སུ་སོང་བའི་ཚུལ།
4. སྐྱབས་སུ་སོང་ནས་བསླབ་པར་བྱ་བའི་རིམ་པའོ། །
གཉིས་པ་དེ་ལ་བརྟེན་ནས་སྐྱབས་སུ་འགྲོ་བའི་ཡུལ་ལ་གཉིས།
1. ཡུལ་ངོས་བཟུང་བ་དང་།
2. དེ་སྐྱབས་སུ་འོས་པའི་རྒྱུ་མཚན་ནོ། །
གསུམ་པ་ཇི་ཙམ་གྱིས་སྐྱབས་སུ་སོང་བའི་ཚུལ་ལ་བཞི།
1. ཡོན་ཏན་ཤེས་པ་དང་།
2. ཁྱད་པར་ཤེས་པ་དང་།
3. ཁས་བླངས་པ་དང་།
4. གཞན་དུ་མི་སྨྲ་བས་སྐྱབས་སུ་སོང་བའོ། །
དང་པོ་ཡོན་ཏན་ཤེས་པ་ལ་གསུམ།
1. སངས་རྒྱས་ཀྱི་ཡོན་ཏན་ཤེས་པ་དང་།
2. ཆོས་ཀྱི་ཡོན་ཏན་ཤེས་པ་དང་།
3. དགེ་འདུན་གྱི་ཡོན་ཏན་ཤེས་པའོ།།
དང་པོ་སངས་རྒྱས་ཀྱི་ཡོནཏན་ལ་བཞི།
1. སྐུའི་ཡོན་ཏན་དང་།
2. གསུང་གི་ཡོན་ཏན།
3. ཐུགས་ཀྱི་ཡོན་ཏན།
4. འཕྲིན་ལས་ཀྱི་ཡོན་ཏན་ནོ། །
གསུམ་པ་ཐུགས་ལ་གཉིས།
1. མཁྱེན་པའི་ཡོན་ཏན་དང་།
2. བརྩེ་བའི་ཡོན་ཏན་ནོ། །
གཉིས་པ་ཁྱད་པར་ཤེས་པ་ལ་དྲུག །
1. མཚན་ཉིད་ལས་གྱུར་པའི་ཁྱད་པར།
2. འཕྲིན་ལས་ཀྱི་ཁྱད་པར།
3. མོས་པའི་ཁྱད་པར།
4. སྒྲུབ་པའི་ཁྱད་པར།
5. རྗེས་སུ་དྲན་པའི་ཁྱད་པར།
6. བསོད་ནམས་འཕེལ་བ་ལས་གྱུར་པའི་ཁྱད་པར་རོ། །
བཞི་པ་སྐྱབས་སུ་སོང་ནས་བསླབ་པར་བྱ་བའི་རིམ་པ་ལ་གཉིས།
1. བསྡུ་བ་ལས་འབྱུང་བ་དང་།
2. མན་ངག་ལས་འབྱུང་བའོ། །
དང་པོ་ལ་བཞི་ཚན་གཉིས་ལས། བཞི་ཚན་དང་པོ།
1. སྐྱེས་བུ་དམ་པ་ལ་བརྟེན་པ།
2. དམ་པའི་ཆོས་ཉན་པ།
3. ཚུལ་བཞིན་དུ་ཡིད་ལ་བྱེད་པ།
4. ཆོས་ཀྱི་རྗེས་སུ་མཐུན་པའི་ཆོས་བསྒྲུབ་པའོ། །
བཞི་ཚན་གཉིས་པ་ལ།
1. དབང་པོ་མི་རྒོད་པར་བྱ་བ།
2. བསླབ་པའི་གཞི་ཡང་དག་པར་བླང་བར་བྱ་བ།
3. སེམས་ཅན་ལ་སྙིང་རྗེ་བར་བྱ་བ།
4. དུས་དུས་སུ་དཀོན་མཆོག་མཆོད་པ་ལ་བརྩོན་པར་བྱ་བའོ། །
གཉིས་པ་མན་ངག་ལས་འབྱུང་བ་ལ་གཉིས།
1. སོ་སོའི་བསླབ་བྱ་དང་།
2. ཐུན་མོང་གི་བསླབ་བྱའོ། །
དང་པོ་སོ་སོའི་བསླབ་བྱ་ལ་གཉིས།
1. དགག་པའི་བསླབ་བྱ་དང་།
2. སྒྲུབ་པའི་བསླབ་བྱའོ། །
གཉིས་པ་ཐུན་མོང་གི་བསླབ་བྱ་ལ་དྲུག །
1. དཀོན་མཆོག་གསུམ་གྱི་ཁྱད་པར་དང་ཡོན་ཏན་རྗེས་སུ་དྲན་པས་ཡང་དང་ཡང་དུ་སྐྱབས་སུ་འགྲོ་བ།
2. བཀའ་དྲིན་རྗེས་སུ་དྲན་པས་དུས་རྟག་ཏུ་མཆོད་པ་ལ་བརྩོན་ཞིང་བཟའ་བ་དང་བཅའ་བའི་ཕུད་ཀྱང་དབུལ་ལ།
3. སྙིང་རྗེ་རྗེས་སུ་དྲན་པས་འགྲོ་བ་གཞན་ཡང་ཚུལ་འདི་ལྟ་བུ་ལ་དགོད་པ།
4. བྱ་བ་གང་བྱེད་པ་དང་དགོས་པ་ཅི་ཡོད་པ་ན་དཀོན་མཆོག་གསུམ་ལ་མཆོད་ནས་གསོལ་བ་འདེབས་ཤིང་འཇིག་རྟེན་པའི་ཐབས་གཞན་སྤོང་བ།
5. ཕན་ཡོན་ཤེས་ནས་ཉིན་ལན་གསུམ་མཚན་ལན་གསུམ་དུ་སྐྱབས་སུ་འགྲོ་བ་བྱ་བ།
6. དཀོན་མཆོག་གསུམ་ཐ་ན་བཞད་གད་ཀྱི་ཕྱིར་རམ་སྲོག་གི་ཕྱིར་ཡང་མི་བཏང་ཞིང་བསྲུང་བར་བྱ་བའོ། །
ལྔ་པ་ཕན་ཡོན་ཤེས་ནས་ཉིན་ལན་གསུམ་མཚན་ལན་གསུམ་དུ་སྐྱབས་སུ་འགྲོ་བར་བྱ་བ་ལ་གཉིས།
1. བསྡུ་བ་ལས་འབྱུང་བའི་ཕན་ཡོན་དང་།
2. མན་ངག་ལས་འབྱུང་བའོ། །
དང་པོ་བསྡུ་བ་ལས་འབྱུང་བའི་ཕན་ཡོན་ལ་བཞི་ཚན་གཉིས་ལས། བཞི་ཚན་དང་པོ་ལ།
1. བསོད་ནམས་རྒྱ་ཆེན་པོ་འཐོབ་པ།
2. དགའ་བ་དང་མཆོག་ཏུ་དགའ་བ་འཐོབ་པ།
3. ཏིང་ངེ་འཛིན་འཐོབ་པ།
4. རྣམ་པར་དག་པ་འཐོབ་པའོ། །
བཞི་ཚན་གཉིས་པ་ལ།
1. སྲུང་བ་ཆེན་པོ་དང་ལྡན་པ།
2. ལོག་པར་མོས་པའི་སྒྲིབ་པ་ཐམས་ཅད་བསྲབས་པ་དང་ཡོངས་སུ་ཟད་པ་དང་ཡོངས་སུ་གཏུགས་པ་འཐོབ་པ།
3. དམ་པ་ཡང་དག་པར་སོང་བ་སྐྱེས་བུ་དམ་པ་རྣམས་ཀྱི་ནང་དུ་བགྲང་བར་འགྱུར་བ།
4. སྟོན་པ་དང་ཚངས་པ་མཚུངས་པར་སྤྱོད་པ་དང་བསྟན་པ་ལ་དགའ་བའི་ལྷ་རྣམས་ཀྱི་ཡིད་དུ་འོད་ཞིང་དགའ་བར་འགྱུར་བའོ། །
གཉིས་པ་མན་ངག་ལས་འབྱུང་བ་ལ་བརྒྱད།
1. ནང་པ་སངས་རྒྱས་པར་ཚུད་པ།
2. སྡོམ་པ་ཐམས་ཅད་ཀྱི་རྟེན་དུ་འགྱུར་བ།
3. སྔོན་བསགས་པའི་ལས་ཀྱི་སྒྲིབ་པ་རྣམས་བསྲབས་ཤིང་ཟད་པར་འགྱུར་བ།
4. བསོད་ནམས་རྒྱ་ཆེན་པོ་གསོག་པ།
5. དན་འགྲོར་མི་ལྟུང་བ།
6. མི་དང་མི་མ་ཡིན་གྱི་བར་ཆད་ཀྱིས་མི་ཚུགས་པ།
7. ཅི་བསམས་པ་ཐམས་ཅད་འགྲུབ་པ།
8. མྱུར་དུ་འཚང་རྒྱ་བའི་ཕན་ཡོན་ནོ། །
གཉིས་པ་བདེ་ལེགས་ཐམས་ཅད་ཀྱི་རྩ་བ་ཡིད་ཆེས་ཀྱི་དད་བ་བསྐྱེད་པ་ལ་གསུམ།
1. ལས་འབྲས་སྤྱིར་བསམ་པ་དང་།
2. བྱེ་བྲག་ཏུ་བསམ་པ་དང་།
3. བསམས་ནས་འཇུག་ལྔོག་བྱ་ཚུལ་ལོ། །
དང་པོ་ལས་འབྲས་སྤྱིར་བསམ་པ་ལ་གཉིས།
1. སྤྱིར་བསམ་ཚུལ་དངོས་དང་།
2. སོ་སོར་ཕྱེ་སྟེ་བསམ་པའོ། །
དང་པོ་སྤྱིར་བསམ་ཚུལ་དངོས་ལ་བཞི།
1. ལས་ངེས་པའི་ཚུལ།
2. ལས་འཕེལ་ཆེ་བ།
3. ལས་མ་བྱས་པ་དང་མི་ཕྲད་པ།
4. ལས་བྱས་པ་ཆུད་མི་ཟ་བའོ། །
གཉིས་པ་སོ་སོར་ཕྱེ་སྟེ་བསམ་པ་ལ་གཉིས།
1. ལས་ལམ་བཅུ་གཙོ་བོར་བསྟན་པ་དང་།
2. ལས་དང་འབྲས་བུ་བསྟན་པའོ། །
གཉིས་པ་ལས་དང་འབྲས་བུ་བསྟན་པ་ལ་གསུམ།
1. ནག་པོའི་ལས་འབྲས་དང་།
2. དཀར་པོའི་ལས་འབྲས་དང་།
3. ལས་ཀྱི་རྣམ་དབྱེ་གཞན་བསྟན་པའོ། །
དང་པོ་ནག་པོའི་ལས་འབྲས་བསྟན་པ་ལ་གསུམ།
1. ནག་པོའི་ལས་ལམ་དངོས་དང་།
2. ལྕི་ཡང་གི་ཁྱད་པར་དང་།
3. དེ་དག་གི་འབྲས་བུ་བསྟན་པའོ། །
གཉིས་པ་ལྕི་ཡང་བསྟན་པ་ལ་གཉིས།
1. ལས་ལམ་བཅུའི་ལྕི་ཡང་དང་།
2. ཞར་ལ་སྟོབས་ལྡན་གྱི་ལས་ཀྱི་སྒོ་བསྡུས་ཏེ་བསྟན་པའོ། །
གཉིས་པ་ཞར་ལ་སྟོབས་ལྡན་གྱི་ལས་ཀྱི་སྒོ་བསྡུས་ཏེ་བསྟན་པ་ལ་བཞི།
1. ཞིང་གི་སྒོ་ནས་སྟོབས་ཆེ་བ།
2. རྟེན་གྱི་སྒོ་ནས་སྟོབས་ཆེ་བ།
3. དངོས་པོའི་སྒོ་ནས་སྟོབས་ཆེ་བ།
4. བསམ་པའི་སྒོ་ནས་སྟོབས་ཆེ་བའོ། །
གསུམ་པ་དེ་དག་གི་འབྲས་བུ་ལ་གསུམ།
1. རྣམ་སྨིན་གྱི་འབྲས་བུ།
2. རྒྱུ་མཐུན་གྱི་འབྲས་བུ།
3. བདག་པོའི་འབྲས་བུའོ། །
གཉིས་པ་དཀར་པོའི་ལས་འབྲས་བསམ་པ་ལ་གཉིས།
1. དཀར་པོའི་ལས་དང་།
2. དཀར་པོའི་འབྲས་བུའོ། །
གཉིས་པ་དཀར་པོའི་འབྲས་བུ་ལ་གསུམ།
1. རྣམ་སྨིན།
2. རྒྱུ་མཐུན།
3. བདག་པོའི་འབྲས་བུའོ། །
གསུམ་པ་ལས་ཀྱི་དབྱེ་བ་གཞན་བསྟན་པ་ལ་གཉིས།
1. འཕེན་རྫོགས་ཀྱི་དབྱེ་བ།
2. མྱོང་བར་ངེས་པ་དང་མ་ངེས་པ་བཞིའི་ལས་སོ། །
གཉིས་པ་བྱེ་བྲག་ཏུ་བསམ་པ་ལ་གསུམ།
1. རྣམ་སྨིན་གྱི་ཡོན་ཏན།
2. རྣམ་སྨིན་གྱི་འབྲས་བུ།
3. རྣམ་སྨིན་གྱི་རྒྱུའོ། །
དང་པོ་རྣམ་སྨིན་གྱི་ཡོན་ཏན་ལ་བརྒྱད།
1. ཚེ་ཕུན་སུམ་ཚོགས་པ།
2. ཁ་དོག་ཕུན་སུམ་ཚོགས་པ།
3. རིགས་ཕུན་སུམ་ཚོགས་པ།
4. དབང་ཕྱུག་ཕུན་སུམ་ཚོགས་པ།
5. ཚིག་བཙུན་པ།
6. དབང་ཆེ་བར་གྲགས་པ།
7. སྐྱེས་པ་ཉིད།
8. སྟོབས་དང་ལྡན་པའོ། །
གཞན་གཉིས་ཀྱང་བརྒྱད་དོ། །
གསུམ་པ་བསམས་ནས་འཇུག་ལྡོག་བྱ་བའི་ཚུལ་ལ་གཉིས།
1. སྤྱིར་བསྟན་པ་དང་།
2. ཁྱད་པར་དུ་སྟོབས་བཞིས་སྤྱོད་པའི་ཚུལ་ལོ། །
གཉིས་པ་ཁྱད་པར་དུ་སྟོབས་བཞིས་སྤྱོད་པའི་ཚུལ་ལ་བཞི།
1. སུན་འབྱིན་པའི་སྟོབས།
2. གཉེན་པོ་ཀུན་ཏུ་སྤྱོད་པའི་སྟོབས།
3. ཉེས་པ་ལས་སླར་ལྡོག་པའི་སྟོབས།
4. རྟེན་གྱི་སྟོབས་སོ། །
གཉིས་པ་གཉེན་པོ་ཀུན་ཏུ་སྤྱོད་པའི་སྟོབས་ལ་དྲུག །
1. མདོ་སྡེ་ཟབ་མོ་ཀློག་པ།
2. སྟོང་ཉིད་བསྒོམ་པ།
3. གཟུངས་སྔགས་ལ་བརྟེན་པ།
4. རྟེན་བཞེངས་པ།
5. མཆོད་པ་ལ་བརྟེན་པ།
6. མཚན་ལ་བརྟེན་པའོ།།
གཉིས་པ་སྐྱེས་བུ་འབྲིང་དང་ཐུན་མོང་བའི་ལམ་གྱི་རིམ་པ་ལ་བློ་སྦྱང་བ་ལ་བཞི།
1. བསམ་པ་སྦྱང་བ་དངོས།
2. དེ་སྐྱེས་པའི་ཚད།
3. དེ་ལ་ལོག་པར་རྟོག་པ་བསལ་བ།
4. ཐར་པར་བགྲོད་པའི་ལམ་གྱི་རང་བཞིན་གཏན་ལ་འབེབས་པའོ། །
དང་པོ་བསམ་པ་སྤྱང་བ་དངོས་ལ་གཉིས།
1. ཐར་པ་དོན་གཉེར་གྱི་བློ་ངོས་བཟུང་བ་དང་།
2. དེ་བསྐྱེད་པའི་ཐབས་སོ། །
གཉིས་པ་དེ་བསྐྱེད་པའི་ཐབས་ལ་གཉིས།
1. སྡུག་བསྔལ་དང་ཀུན་འབྱུང་གི་སྒོ་ནས་བསམ་པ་དང་།
2. རྟེན་འབྲེལ་བཅུ་གཉིས་ཀྱི་སྒོ་ནས་བསམ་པའོ། །
དང་པོ་རྟེན་འབྲེལ་བཅུ་གཉིས་ཀྱི་སྒོ་ནས་བསམ་པ་ལ་གཉིས།
1. སྡུག་བདེན་འཁོར་བའི་ཉེས་དམིགས་བསམ་པ་དང་།
2. ཀུན་འབྱུང་འཁོར་བའི་འཇུག་རིམ་བསམ་པའོ། །
དང་པོ་སྡུག་བདེན་འཁོར་བའི་ཉེས་དམིགས་བསམ་པ་ལ་གཉིས།
1. སྡུག་བདེན་བདེན་བཞིའི་ཐོག་མར་གསུངས་པའི་དགོངས་པ་བསྟན་པ།
2. སྡུག་བསྔལ་བསྒོམ་པ་དངོས་སོ། །
གཉིས་པ་སྡུག་བསྔལ་བསྒོམ་པ་དངོས་ལ་གཉིས།
1. འཁོར་བ་སྤྱིའི་སྡུག་བསྔལ་བསམ་པ།
2. སོ་སོའི་སྡུག་བསྔལ་བསམ་པའོ། །
དང་པོ་འཁོར་བ་སྤྱིའི་སྡུག་བསྔལ་བསམ་པ་ལ་གསུམ།
1. སྡུག་བསྔལ་བརྒྱད་བསམ་པ།
2. སྡུག་བསྔལ་དྲུག་བསམ་པ།
3. སྡུག་བསྔལ་གསུམ་བསམ་པའོ། །
དང་པོ་སྡུག་བསྔལ་བརྒྱད་བསམ་པ་ལ་བརྒྱད།
1. སྐྱེ་བའི་སྡུག་བསྔལ།
2. རྒ་བའི་སྡུག་བསྔལ།
3. ན་བའི་སྡུག་བསྔལ།
4. འཆི་བའི་སྡུག་བསྔལ།
5. མི་སྡུག་པ་དང་ཕྲད་པའི་སྡུག་བསྔལ།
6. སྡུག་པ་དང་བྲལ་བའི་སྡུག་བསྔལ།
7. འདོད་པ་བཙལ་ཏེ་མ་རྙེད་པའི་སྡུག་བསྔལ།
8. མདོར་ན་ཉེ་བར་ལེན་པའི་ཕུང་པོ་ལྔ་སྡུག་བསྔལ་བའོ། །
གཉིས་པ་སྡུག་བསྔལ་དྲུག་བསམ་པ་ལ་དྲུག །
1. ངེས་པ་མེད་པ།
2. ངོམས་མི་ཤིས་པ།
3. ལུས་ཡང་དང་ཡང་དུ་འདོར་བ།
4. ཡང་དང་ཡང་དུ་ཉིང་མཚམས་སྦྱར་བ།
5. ཡང་དང་ཡང་དུ་མཐོ་དམན་དུ་འགྱུར་བ།
6. གྲོགས་མེད་པའི་ཉེས་པ་བསམ་པའོ། །
གསུམ་པ་སྡུག་བསྔལ་གསུམ་བསམ་པ་ལ་གསུམ།
1. སྡུག་བསྔལ་གྱི་སྡུག་བསྔལ་བསམ་པ།
2. འགྱུར་བའི་སྡུག་བསྔལ་བསམ་པ།
3. ཁྱབ་པ་འདུ་བྱེད་ཀྱི་སྡུག་བསྔལ་བསམ་པའོ། །
གཉིས་པ་སོ་སོའི་སྡུག་བསྔལ་བསམ་པ་ལ་དྲུག
1. དམྱལ་བའི་སྡུག་བསྔལ་བསམ་པ།
2. ཡི་དྭགས་ཀྱི་སྡུག་བསྔལ་བསམ་པ།
3. དུད་འགྲོའི་སྡུག་བསྔལ་བསམ་པ།
4. མིའི་སྡུག་བསྔལ་བསམ་པ།
5. ལྷ་མ་ཡིན་གྱི་སྡུག་བསྔལ་བསམ་པ།
6. ལྷའི་སྡུག་བསྔལ་བསམ་པའོ། །
ལྷའི་སྡུག་བསྔལ་བསམ་པ་ལ་གཉིས།
1. འདོད་ལྷའི་སྡུག་བསྔལ་བསམ་པ་དང་།
2. ཁམས་གོང་མའི་ལྷ་རྣམས་ཀྱི་སྡུག་བསྔལ་བསམ་པའོ། །
དང་པོ་འདོད་ལྷའི་སྡུག་བསམ་པ་ལ་གསུམ།
1. འཆི་འཕོ་དང་ལྟུང་བའི་སྡུག་བསྔལ་བསམ་པ།
2. སྤ་བཀོང་བའི་སྡུག་བསྔལ་བསམ་པ།
3. བཅད་པ་དང་དྲལ་བ་དང་བསད་པ་དང་སྦྱུག་པའི་སྡུག་བསྔལ་བསམ་པའོ།།
དང་པོ་འཆི་འཕོ་དང་ལྟུང་བའི་སྡུག་བསྔལ་བསམ་པ་ལ་གཉིས།
1. འཆི་འཕོ་བའི་སྡུག་བསྔལ་དང་།
2. གནས་འོག་མར་ལྟུང་བའི་སྡུག་བསྔལ་ལོ། །
གཉིས་པ་ཀུན་འབྱུང་གི་སྒོ་ནས་འཁོར་བར་འཇུག་པའི་རིམ་པ་བསམ་པ་ལ་གསུམ།
1. ཉོན་མོངས་པའི་སྐྱེ་ཚུལ།
2. དེས་ལས་གསོག་པའི་ཚུལ།
3. འཆི་འཕོ་བ་དང་ཉིང་མཚམས་སྦྱོར་བའི་ཚུལ་ལོ། །
དང་པོ་ཉོན་མོངས་པའི་སྐྱེ་ཚུལ་ལ་བཞི།
1. ཉོན་མོངས་ངོས་བཟུང་བ།
2. ཇི་ལྟར་སྐྱེ་བའི་རིམ་པ།
3. ཉོན་མོངས་པའི་རྒྱུ།
4. ཉོན་མོངས་པའི་ཉེས་དམིགས་སོ། །
དང་པོ་ཉོན་མོངས་ངོས་བཟུང་བ་ལ་གཉིས།
1. ཉོན་མོངས་སྤྱིའི་མཚན་ཉིད་དང་།
2. སོ་སོའི་མཚན་ཉིད་དོ། །
གཉིས་པ་སོ་སོའི་མཚན་ཉིད་ལ་བཅུ།
1. འདོད་ཆགས་ཀྱི་མཚན་ཉིད།
2. ཁོང་ཁྲོ་ཡི་མཚན་ཉིད།
3. ང་རྒྱལ་གྱི་མཚན་ཉིད།
4. མ་རིག་པའི་མཚན་ཉིད།
5. ཐེ་ཚོམ་གྱི་མཚན་ཉིད།
6. འཇིག་ལྟའི་མཚན་ཉིད།
7. མཐར་འཛིན་གྱི་ལྟ་བའི་མཚན་ཉིད།
8. ལྟ་བ་མཆོག་འཛིན་གྱི་མཚན་ཉིད།
9. ཚུལ་ཁྲིམས་དང་བརྟུལ་ཞུགས་མཆོག་འཛིན་གྱི་མཚན་ཉིད།
10. ལོག་ལྟའི་མཚན་ཉིད།
གསུམ་པ་ཉོན་མོངས་པའི་རྒྱུ་ལ་དྲུག
1. རྟེན།
2. དམིགས་པ།
3. འདུ་འཛི།
4. བཤད་པ།
5. གོམས་པ།
6. ཡིད་ལ་བྱེད་པའོ། །
གཉིས་པ་དེས་ལས་གསོག་པའི་ཚུལ་ལ་གཉིས།
1. བསག་པར་བྱ་བའི་ལས་ངོས་བཟུང་བ་དང་།
2. དེ་ཇི་ལྟར་གསོག་པའི་ཚུལ་ལོ། །
དང་པོ་བསག་པར་བྱ་བའི་ལས་ངོས་བཟུང་བ་ལ་གཉིས།
1. སེམས་པའི་ལས་དང་།
2. བསམ་པའི་ལས་སོ། །
གཉིས་པ་དེ་ཇི་ལྟར་གསོག་པའི་ཚུལ་ལ་གཉིས།
1. ཚོར་བ་བདེ་བའི་དོན་དུ་གསོག་པ་དང་།
2. ཚོར་བ་བཏང་སྙོམས་ཀྱི་ཕྱིར་དུ་གསོག་པའོ། །
གསུམ་པ་འཆི་འཕོ་བ་དང་ཉིང་མཚམས་སྦྱོར་བའི་ཚུལ་ལ་ལྔ།
1. འཆི་བའི་རྐྱེན།
2. འཆི་བའི་སེམས།
3. དྲོད་གང་ནས་སྡུད་པ།
4. ཤི་ནས་བར་དོ་འགྲུབ་ལུགས།
5. དེ་ནས་སྐྱེ་སྲིད་དུ་སྐྱེ་བ་ལེན་ཚུལ་ལོ། །
གཉིས་པ་འཆི་སེམས་ལ་གསུམ།
1. དགེ་བའི་སེམས་དང་ལྡན་པར་འཆི་བ།
2. མི་དགེ་བའི་སེམས་དང་ལྡན་པར་འཆི་བ།
3. ལུང་མ་བསྟན་གྱི་སེམས་དང་ལྡན་པར་འཆི་བའོ། །
གཉིས་པ་རྟེན་འབྲེལ་བཅུ་གཉིས་ཀྱི་སྒོ་ནས་བསམ་པ་ལ་བཞི།
1. ཡན་ལག་གི་དབྱེ་བ།
2. ཡན་ལག་གི་བསྡུ་བ།
3. ཚེ་དུ་ལ་རྫོགས་པ།
4. དེ་དག་གི་དོན་བསྡུ་བའི་ཚུལ་ལོ། །
བཞི་པ་ཐར་པར་བགྲོད་པའི་ལམ་གྱི་རང་བཞིན་གཏན་ལ་དབབ་པ་ལ་གཉིས།
1. རྟེན་ཇི་ལྟ་བུས་འཁོར་བ་བཟློག་པ་དང་།
2. ལམ་ཇི་འདྲ་བ་ཞིག་བསྒོམས་པས་འཁོར་བ་བཟློག་པའོ། །
གཉིས་པ་ལམ་ཇི་འདྲ་བ་ཞིག་བསྒོམས་པས་འཁོར་བ་བཟློག་པ་ལ་གསུམ།
1. བསླབ་པ་གསུམ་གྱི་གྲངས་ངེས།
2. གོ་རིམ་ངེས་པ།
3. བསླབ་པ་གསུམ་གྱི་རང་བཞིན་ནོ། །
གསུམ་པ་སྐྱེས་བུ་ཆེན་པོའི་ལམ་གྱི་རིམ་པ་ལ་བློ་སྦྱང་བ་ལ་གསུམ།
1. ཐེག་ཆེན་གྱི་འཇུག་སྒོ་སེམས་བསྐྱེད་ཁོ་ནར་བསྟན་པ།
2. སེམས་དེ་ཇི་ལྟར་བསྐྱེད་པའི་ཚུལ།
3. བསྐྱེད་ནས་སྤྱོད་པ་ལ་སློབ་པའི་ཚུལ་ལོ། །
གཉིས་པ་བསྐྱེད་ནས་སྤྱོད་པ་ལ་སློབ་པའི་ཚུལ་ལ་བཞི།
1. རྒྱུ་གང་ལ་བརྟེན་ནས་ཇི་ལྟར་སྐྱེ་བ།
2. བྱང་ཆུབ་ཀྱི་སེམས་སྦྱང་བའི་རིམ་པ།
3. སྐྱེས་པའི་ཚད།
4. ཆོ་གས་བཟུང་བའི་ཚུལ་ལོ། །
དང་པོ་རྒྱུ་གང་ལ་བརྟེན་ནས་ཇི་ལྟར་སྐྱེ་བ་ལ་གསུམ།
1. རྐྱེན་བཞི་ལས་སྐྱེས་ཚུལ།
2. རྒྱུ་བཞི་ལས་སྐྱེས་ཚུལ།
3. སྟོབས་བཞི་ལས་སྐྱེས་ཚུལ་ལོ། །
གཉིས་པ་བྱང་ཆུབ་ཀྱི་སེམས་སྦྱང་བའི་རིམ་པ་ལ་གཉིས།
1. ཇོ་བོ་རྗེའི་གཞུང་ལ་བརྟེན་ནས་རྒྱུ་འབྲས་མན་ངག་བདུན་གྱི་སྒོ་ནས་སྦྱང་བ་དང་།
2. འཕགས་པ་ཞི་བ་ལྷའི་གཞུང་ལ་བརྟེན་ནས་བདག་གཞན་བརྗེ་བའི་སྒོ་ནས་སྦྱང་བའོ། །
དང་པོ་ཇོ་བོ་རྗེའི་གཞུང་ལ་བརྟེན་ནས་རྒྱུ་འབྲས་མན་ངག་བདུན་གྱི་སྒོ་ནས་སྦྱང་བ་ལ་གཉིས།
1. རིམ་པ་ལ་ངེས་པ་བསྐྱེད་པ་དང་།
2. རིམ་ཅན་དུ་སྦྱང་བ་དངོས་སོ། །
དང་པོ་རིམ་པ་ལ་ངེས་པ་བསྐྱེད་པ་ལ་གཉིས།
1. ཐེག་ཆེན་གྱི་ལམ་གྱི་རྩ་བ་སྙིང་རྗེར་བསྟན་པ་དང་།
2. རྒྱུ་འབྲས་གཞན་རྣམས་དེའི་རྒྱུ་དང་འབྲས་བུར་འགྱུར་ཚུལ་ལོ། །
དང་པོ་ཐེག་ཆེན་གྱི་ལམ་གྱི་རྩ་བ་སྙིང་རྗེར་བསྟན་པ་ལ་གསུམ།
1. ཐོག་མར་གལ་ཆེ་བ།
2. བར་དུ་གལ་ཆེ་བ།
3. ཐ་མར་གལ་ཆེ་བའོ། །
གཉིས་པ་རྒྱུ་འབྲས་གཞན་རྣམས་དེའི་རྒྱུ་དང་འབྲས་བུར་འགྱུར་ཚུལ་ལ་གཉིས།
1. མར་ཤེས་ནས་བྱམས་པའི་བར་རྒྱུར་འགྱུར་ཚུལ་དང་། །
2. ལྷག་བསམ་དང་སེམས་བསྐྱེད་འབྲས་བུར་འགྱུར་ཚུལ་ལོ། །
གཉིས་པ་རིམ་ཅན་དུ་སྦྱང་བ་དངོས་ལ་གསུམ།
1. གཞན་དོན་དོན་གཉེར་གྱི་བློ་སྦྱང་བ།
2. བྱང་ཆུབ་དོན་གཉེར་གྱི་བློ་སྦྱང་བ།
3. སྦྱངས་པའི་འབྲས་བུ་སེམས་བསྐྱེད་ངོས་བཟུང་བའོ། །
དང་པོ་གཞན་དོན་དོན་གཉེར་གྱི་བློ་སྦྱང་བ་ལ་གཉིས།
1. བློ་དེ་སྐྱེ་བའི་གཞི་བསྒྲུབ་པ་དང་།
2. བློ་དེ་བསྐྱེད་པ་དངོས་སོ། །
དང་པོ་བློ་དེ་སྐྱེ་བའི་གཞི་བསྒྲུབ་པ་ལ་གཉིས།
1. སེམས་ཅན་ལ་སེམས་སྙོམས་པ་བསྒྲུབ་པ་དང་།
2. ཐམས་ཅད་ཡིད་འོང་གི་རྣམ་པ་ཅན་དུ་བསྒྲུབ་པའོ།
གཉིས་པ་ཐམས་ཅད་ཡིད་འོང་གི་རྣམ་པ་ཅན་དུ་བསྒྲུབ་པ་ལ་གསུམ།
1. མར་བསྒོམ་པ།
2. དྲིན་དྲན་པ་བསྒོམ་པ།
3. དྲིན་དུ་གཟོ་བ་བསྒོམ་པའོ། །
གཉིས་པ་བློ་དེ་བསྐྱེད་པ་དངོས་ལ་གསུམ།
1. བྱམས་པ་བསྒོམ་པ།
2. སྙིང་རྗེ་བསྒོམ་པ།
3. ལྷག་བསམ་བསྒོམ་པའོ། །
གཉིས་པ་ཞི་བ་ལྷའི་གཞུང་ལ་བརྟེན་ནས་སྦྱང་བ་ལ་གསུམ།
1. བདག་གཞན་བརྗེས་པའི་ཕན་ཡོན་དང་།
2. མ་བརྗེས་པའི་ཉེས་དམིགས་བསམ་པ།
3. བདག་གཞན་བརྗེ་བའི་བསམ་པ་གོམས་ན་བསྐྱེད་པར་ནུས་པ།
4. བདག་གཞན་བརྗེ་བའི་ཚུལ་བསྒོམ་པའི་རིམ་པའོ། །
བཞི་པ་ཆོ་གས་བཟུང་བ་ལ་གསུམ།
1. མ་ཐོབ་པ་ཐོབ་པར་བྱེད་པ།
2. ཐོབ་པ་མི་ཉམས་པར་བསྲུང་བ།
3. ཉམས་ན་ཕྱིར་བཅོས་པའི་ཐབས་སོ། །
མ་ཐོབ་པ་ཐོབ་པར་བྱེད་པ་ལ་གསུམ།
1. གང་ལ་བླང་བའི་ཡུལ།
2. གང་གིས་ལེན་པའི་རྟེན།
3. ཇི་ལྟར་བླང་བའི་ཆོ་གའོ། །
གསུམ་པ་ཇི་ལྟར་བླང་བའི་ཆོ་ག་ལ་གསུམ།
1. སྦྱོར་བའི་ཆོ་ག
2. དངོས་གཞིའི་ཆོ་ག
3. མཇུག་གི་ཆོ་གའོ། །
དང་པོ་སྦྱོར་བའི་ཆོ་ག་ལ་གསུམ།
1. སྐྱབས་འགྲོ་ཁྱད་པར་ཅན་བྱ་བ་ཚོགས་བསག་པ།
2. བསམ་པ་སྦྱང་བའོ། །
དང་པོ་སྐྱབས་འགྲོ་ཁྱད་པར་ཅན་བྱ་བ་ཚོགས་བསག་པ་ལ་གསུམ།
1. གནས་བརྒྱན་ཞིང་རྟེན་བཀྲམ་ནས་མཆོད་རྫས་བཤམ་པ།
2. གསོལ་བ་བཏབ་ཅིང་སྐྱབས་སུ་འགྲོ་བ།
3. སྐྱབས་སུ་སོང་བའི་བསླབ་བྱ་བརྗོད་པའོ། །
གཉིས་པ་ཐོབ་པ་མི་ཉམས་པར་བསྲུང་བ་ལ་གཉིས།
1. ཚེ་འདིར་སེམས་བསྐྱེད་མི་ཉམས་པའི་རྒྱུ་ལ་བསླབ་པ་དང་།
2. སྐྱེ་བ་གཞན་དུའང་དེ་དང་མི་འབྲལ་བའི་རྒྱུ་ལ་བསླབ་པའོ། །
དང་པོ་ཚེ་འདིར་སེམས་བསྐྱེད་མི་ཉམས་པའི་རྒྱུ་ལ་བསླབ་པ་ལ་བཞི།
1. སེམས་བསྐྱེད་ལ་སྤྲོ་ཤུགས་འཕེལ་བའི་ཕྱིར་དུ་ཕན་ཡོན་དྲན་པ་ལ་བསླབ་པ།
2. སེམས་བསྐྱེད་དངོས་འཕེལ་བའི་ཕྱིར་དུ་ལན་དྲུག་ཏུ་སེམས་བསྐྱེད་པ་ལ་བསླབ་པ།
3. གང་གི་དོན་དུ་སེམས་བསྐྱེད་པའི་སེམས་ཅན་བློས་མི་སྤོང་བ་ལ་བསླབ་པ།
4. བསོད་ནམས་དང་ཡེ་ཤེས་ཀྱི་ཚོགས་བསག་པ་ལ་བསླབ་པའོ། །
གཉིས་པ་སེམས་བསྐྱེད་དངོས་འཕེལ་བའི་ཕྱིར་དུ་ལན་དྲུག་ཏུ་སེམས་བསྐྱེད་པ་ལ་གཉིས།
1. སྨོན་སེམས་བསྐྱེད་པ་མི་གཏོང་བ་དང་།
2. སྤེལ་བ་ལ་བསླབ་པའོ། །
གཉིས་པ་སྐྱེ་བ་གཞན་དུ་ཡང་དེ་དང་མི་འབྲལ་བའི་རྒྱུ་ལ་བསླབ་པ་ལ་གཉིས།
1. ཉམས་པར་བྱེད་པ་ནག་པོའི་ཆོས་བཞི་སྤང་བ།
2. མི་ཉམས་པར་བྱེད་པ་དཀར་པོའི་ཆོས་བཞི་བླང་བ་ལ་བསླབ་པའོ། །
གསུམ་པ་སེམས་བསྐྱེད་ནས་སྤྱོད་པ་ལ་སློབ་པའི་ཚུལ་ལ་གསུམ།
1. སེམས་བསྐྱེད་ནས་བསླབ་པ་ལ་སློབ་དགོས་པའི་རྒྱུ་མཚན།
2. ཐབས་ཤེས་རེ་རེ་བ་ལ་བསླབས་པས་སངས་རྒྱས་མི་འགྲུབ་པར་བསྟན་པ།
3. བསླབ་པ་ལ་སློབ་པའི་རིམ་པ་ཉིད་བཤད་པའོ། །
བསླབ་པ་ལ་སློབ་པའི་རིམ་པ་ཉིད་བཤད་པ་ལ་གཉིས།
1. ཐེག་པ་ཆེན་པོ་སྤྱི་ལ་བསླབ་ཚུལ་དང་།
2. ཁྱད་པར་དུ་རྡོ་རྗེ་ཐེག་པ་ལ་སློབ་པའི་ཚུལ་ལོ། །
དང་པོ་ཐེག་པ་ཆེན་པོ་སྤྱི་ལ་བསླབ་ཚུལ་ལ་གསུམ།
1. བྱང་སེམས་ཀྱི་བསླབ་པ་ལ་སློབ་འདོད་སྦྱང་བ།
2. སྦྱངས་ནས་རྒྱལ་སྲས་ཀྱི་སྡོམ་པ་བཟུང་བ།
3. བཟུང་ནས་ཇི་ལྟར་བསླབ་པའི་ཚུལ་ལོ། །
གསུམ་པ་བཟུང་ནས་ཇི་ལྟར་བསླབ་པའི་ཚུལ་ལ་གསུམ།
1. གང་ལ་བསླབ་པའི་གཞི།
2. དེར་བསླབ་པ་རྣམས་འདུས་ཚུལ།
3. དེ་ལ་ཇི་ལྟར་བསླབ་པའི་རིམ་པའོ། །
གཉིས་པ་དེར་བསླབ་པ་རྣམས་འདུས་ཚུལ་ལ་གཉིས།
1. དངོས་ཀྱི་དོན་གྲངས་ངེས་པ་དང་།
2. ཞར་ལ་གོ་རིམ་ངེས་པ་བསྟན་པའོ། །
དང་པོ་དངོས་ཀྱི་དོན་གྲངས་ངེས་པ་ལ་དྲུག །
1. མངོན་མཐོ་ལ་བལྟོས་པའི་གྲངས་ངེས།
2. དོན་གཉིས་བསྒྲུབ་པ་ལ་བལྟོས་པའི་གྲངས་ངེས།
3. གཞན་དོན་རྣམ་པ་ཐམས་ཅད་པ་རྫོགས་པར་བསྒྲུབ་པ་ལ་བལྟོས་པའི་གྲངས་ངེས།
4. ཐེག་ཆེན་ཐམས་ཅད་སྡུད་པ་ལ་བལྟོས་པའི་གྲངས་ངེས།
5. ལམ་མམ་ཐབས་ཀྱི་རྣམ་པ་ཐམས་ཅད་པའི་དབང་དུ་མཇོད་པའི་གྲངས་ངེས།
6. བསླབ་པ་གསུམ་ལ་བལྟོས་པའི་གྲངས་ངེས་སོ། །
གཉིས་པ་ཞར་ལ་གོ་རིམ་ངེས་པ་ལ་གསུམ།
1. སྐྱེ་བའི་རིམ་པ།
2. དམན་མཆོག་གི་རིམ་པ།
3. རགས་ཕྲའི་རིམ་པའོ། །
གསུམ་པ་དེ་ལ་ཇི་ལྟར་སློབ་པའི་རིམ་པ་ལ་གཉིས།
1. སྤྱོད་པ་སྤྱི་ལ་སློབ་པའི་ཚུལ་དང་།
2. ཁྱད་པར་དུ་ཕར་ཕྱིན་ཐ་མ་གཉིས་ལ་སློབ་པའི་ཚུལ་ལོ། །
དང་པོ་སྤྱོད་པ་སྤྱི་ལ་སློབ་པའི་ཚུལ་ལ་གཉིས།
1. རང་གི་སངས་རྒྱས་ཀྱི་ཆོས་སྨིན་པར་བྱེད་པ་ཕར་ཕྱིན་ལ་སློབ་པའི་ཚུལ་དང་།
2. གཞན་གྱི་རྒྱུད་སྨིན་པར་བྱེད་པ་བསྡུ་བ་བཞི་ལ་བསླབ་པའོ། །
དང་པོ་རང་གི་སངས་རྒྱས་ཀྱི་ཆོས་སྨིན་པར་བྱེད་པ་ཕར་ཕྱིན་ལ་སློབ་པའི་ཚུལ་ལ་དྲུག
1. སྦྱིན་པ་ལ་བསླབ་པའི་ཚུལ།
2. ཚུལ་ཁྲིམས་ལ་བསླབ་པའི་ཚུལ།
3. བཟོད་པ་ལ་བསླབ་པའི་ཚུལ།
4. བརྩོན་འགྲུས་ལ་བསླབ་པའི་ཚུལ།
5. བསམ་གཏན་ལ་བསླབ་པའི་ཚུལ།
6. ཤེས་རབ་ལ་བསླབ་པའི་ཚུལ་ལོ། །
དང་པོ་སྦྱིན་པ་ལ་བསླབ་པའི་ཚུལ་ལ་བཞི།
1. སྦྱིན་པའི་ངོ་པོ།
2. དེ་བསྐྱེད་པ་ལ་འཇུག་པའི་ཐབས།
3. སྦྱིན་པའི་རབ་དབྱེ།
4. དེ་དག་གི་དོན་བསྡུ་བའོ། །
གསུམ་པ་སྦྱིན་པའི་རབ་དབྱེ་ལ་གསུམ།
1. རྟེན་ཐམས་ཅད་ཀྱིས་ཇི་ལྟར་བྱ་བ།
2. རྟེན་སོ་སོ་ལ་བལྟོས་པའི་རབ་དབྱེ།
3. སྦྱིན་པ་རང་གི་ངོ་བོའི་རབ་དབྱེའོ། །
དང་པོ་རྟེན་ཐམས་ཅད་ཀྱིས་ཇི་ལྟར་བྱ་བ་ལ་གཉིས།
1. དམ་པ་དྲུག་ལྡན་དུ་བྱ་བ་དང་།
2. ཕར་ཕྱིན་དྲུག་ལྡན་དུ་བྱ་བའོ། །
དང་པོ་དམ་པ་དྲུག་ལྡན་དུ་བྱ་བ་ལ་དྲུག
1. རྟེན་དམ་པ།
2. དངོས་པོ་དམ་པ།
3. ཆེད་དུ་བྱ་བ་དམ་པ།
4. ཐབས་མཁས་པ་དམ་པ།
5. བསྔོ་བ་དམ་པ།
6. རྣམ་པར་དག་པ་དམ་པའོ། །
གསུམ་པ་སྦྱིན་པ་རང་གི་ངོ་བོའི་རབ་དབྱེ་ལ་གསུམ།
1. ཆོས་ཀྱི་སྦྱིན་པ།
2. མི་འཇིགས་པའི་སྦྱིན་པ།
3. ཟང་ཟིང་གི་སྦྱིན་པའོ། །
གསུམ་པ་ཟང་ཟིང་གི་སྦྱིན་པ་ལ་གཉིས།
1. ཟང་ཟིང་དངོས་སུ་གཏོང་བའི་སྦྱིན་པ་དང་།
2. བསམ་པ་ཙམ་གྱི་སྦྱིན་པའོ། །
དང་པོ་ཟང་ཟིང་དངོས་སུ་གཏོང་བའི་སྦྱིན་པ་ལ་གསུམ།
1. ཟང་ཟིང་གཏོང་བའི་ཚུལ།
2. གཏོང་མ་ནུས་ན་ཇི་ལྟར་བྱ་བ།
3. སྦྱིན་པའི་གེགས་ཀྱི་གཉེན་པོ་བསྟེན་པའོ། །
དང་པོ་ཟང་ཟིང་གཏོང་བའི་ཚུལ་ལ་བཞི།
1. གང་ལ་གཏོང་བའི་ཞིང་།
2. གང་གིས་གཏོང་བའི་བསམ་པ།
3. ཇི་ལྟར་གཏོང་བའི་སྦྱོར་བ།
4. གང་གཏོང་བའི་དངོས་པོའོ། །
གཉིས་པ་གང་གིས་གཏོང་བའི་བསམ་པ་ལ་གཉིས།
1. བསམ་པ་ཇི་ལྟ་བུ་དང་ལྡན་པ་དགོས་པ།
2. བསམ་པ་ཇི་ལྟ་བུ་སྤང་བ་དགོས་པའོ། །
གཉིས་པ་བསམ་པ་ཇི་ལྟ་བུ་སྤང་བ་དགོས་པ་ལ་བདུན།
1. ལྟ་ངན་མཆོག་ཏུ་འཛིན་པའི་བསམ་པ་མེད་པ།
2. ཁེངས་པའི་བསམ་པ་མེད་པ།
3. རྟེན་པའི་བསམ་པ་མེད་པ།
4. ཞུམ་པའི་བསམ་པ་མེད་པ།
5. རྒྱབ་ཀྱིས་ཕྱོགས་པའི་བསམ་པ་མེད་པ།
6. ལན་ལ་ལྟ་བའི་བསམ་པ་མེད་པ།
7. རྣམ་སྨིན་ལ་ལྟ་བའི་བསམ་པ་མེད་པའོ། །
གསུམ་པ་ཇི་ལྟར་གཏོང་བའི་སྦྱོར་བ་ལ་གཉིས།
1. སྦྱོར་བ་ཇི་འདྲ་བས་མི་བཏང་བ་དང་།
2. ཇི་ལྟ་བུས་གཏོང་བའོ། །
བཞི་པ་གང་གཏོང་བའི་དངོས་པོ་ལ་གཉིས།
1. གཏོང་བ་དང་མི་གཏོང་བའི་དངོས་པོ་མདོར་བསྟན་པ་དང་།
2. རྒྱས་པར་བཤད་པའོ། །
གཉིས་པ་རྒྱས་པར་བཤད་པ་ལ་གཉིས།
1. ནང་གི་དངོས་པོ་གཏོང་མི་གཏོང་དང་།
2. ཕྱིའི་དངོས་པོ་གཏོང་མི་གཏོང་རྒྱས་པར་བཤད་པའོ། །
དང་པོ་ནང་གི་དངོས་པོ་གཏོང་མི་གཏོང་ལ་གསུམ།
1. དུས་ཀྱི་སྒོ་ནས་གཏང་དུ་མི་རུང་བ།
2. དགོས་པའི་སྒོ་ནས་གཏང་དུ་མི་རུང་བ།
3. སློང་པ་པོའི་སྒོ་ནས་གཏང་དུ་མི་རུང་བའོ། །
ཕྱིའི་དངོས་པོ་གཏོང་མི་གཏོང་རྒྱས་པར་བཤད་པ་ལ་གཉིས།
1. ཕྱིའི་དངོས་པོ་མི་གཏོང་བའི་ཚུལ་དང་།
2. གཏོང་བའི་ཚུལ་ལོ། །
དང་པོ་ཕྱིའི་དངོས་པོ་མི་གཏོང་བའི་ཚུལ་ལ་ལྔ།
1. དུས་ཀྱི་སྒོ་ནས་སྦྱིན་དུ་མི་རུང་བ།
2. ཡུལ་གྱི་སྒོ་ནས་སྦྱིན་དུ་མི་རུང་བ།
3. རྟེན་གྱི་སྒོ་ནས་སྦྱིན་དུ་མི་རུང་བ།
4. དངོས་པོའི་སྒོ་ནས་སྦྱིན་དུ་མི་རུང་བ།
5. དགོས་པའི་སྒོ་ནས་སྦྱིན་དུ་མི་རུང་བའོ། །
གསུམ་པ་སྦྱིན་པའི་གེགས་ཀྱི་གཉེན་པོ་བསྟེན་པ་ལ་བཞི།
1. མ་གོམས་པའི་གཉེན་པོ་བསྟེན་པ།
2. རྒུད་པའི་གཉེན་པོ་བསྟེན་པ།
3. ཆགས་པའི་གཉེན་པོ་བསྟེན་པ།
4. འབྲས་བུ་མ་མཐོང་བའི་གཉེན་པོ་བསྟེན་པ།
གཉིས་པ་ཚུལ་ཁྲིམས་ཀྱི་ཕར་ཕྱིན་ལ་ལྔ།
1. ཚུལ་ཁྲིམས་ཀྱི་ངོ་བོ།
2. དེ་སྒོམ་པ་ལ་འཇུག་པའི་ཐབས།
3. ཚུལ་ཁྲིམས་ཀྱི་རབ་དབྱེ།
4. དེ་དག་སྒྲུབ་པའི་ཚེ་ཇི་ལྟར་བྱ་བ།
5. དེ་དག་གི་དོན་བསྡུ་བའོ། །
གསུམ་པ་ཚུལ་ཁྲིམས་ཀྱི་རབ་དབྱེ་ལ་གསུམ།
1. སྡོམ་པའི་ཚུལ་ཁྲིམས།
2. དགེ་བའི་ཆོས་སྡུད་པའི་ཚུལ་ཁྲིམས།
3. སེམས་ཅན་དོན་བྱེད་ཀྱི་ཚུལ་ཁྲིམས་སོ། །
གསུམ་པ་བཟོད་པའི་ཕར་ཕྱིན་ལ་ལྔ།
1. བཟོད་པའི་ངོ་བོ།
2. དེ་བསྒོམ་པ་ལ་འཇུག་པའི་ཐབས།
3. བཟོད་པའི་རབ་དབྱེ།
4. དེ་བསྒྲུབ་པའི་ཚེ་ཇི་ལྟར་བྱ་བ།
5. དེ་དག་གི་དོན་བསྡུ་བའོ། །
གསུམ་པ་བཟོད་པའི་རབ་དབྱེ་ལ་གསུམ།
1. གནོད་བྱེད་ལ་ཇི་མི་སྙམ་པའི་བཟོད་པ།
2. སྡུག་བསྔལ་དང་དུ་ལེན་པའི་བཟོད་པ།
3. ཆོས་ལ་ངེས་སེམས་ཀྱི་བཟོད་པའོ། །
དང་པོ་གནོད་བྱེད་ལ་ཇི་མི་སྙམ་པའི་བཟོད་པ་ལ་གཉིས།
1. གནོད་བྱེད་ཀྱིས་གནོད་པ་བྱས་པ་ལ་མི་བཟོད་པ་དགག་པ་དང་།
2. གནོད་བྱེད་འབྱོར་པ་མི་དགའ་ཞིང་རྒུད་པ་ལ་དགའ་བ་དགག་པའོ། །
དང་པོ་གནོད་བྱེད་ཀྱིས་གནོད་པ་བྱས་པ་ལ་མི་བཟོད་པ་དགག་པ་ལ་གཉིས།
1. བདེ་བའི་གེགས་བྱས་པ་དང་སྡུག་བསྔལ་བར་བྱས་པ་ལ་མི་བཟོད་པ་དགག་པ།
2. བཀུར་བ་སོགས་ཀྱི་གེགས་བྱས་པ་དང་བརྙས་པ་སོགས་གསུམ་བྱེད་པ་ལ་མི་བཟོད་པ་དགག་པའོ། །
དང་པོ་བདེ་བའི་གེགས་བྱས་པ་དང་སྡུག་བསྔལ་བར་བྱས་པ་ལ་མི་བཟོད་པ་དགག་པ་ལ་གཉིས།
1. ཁྲོ་བར་བྱ་བ་མི་རིགས་པར་བསྟན་པ་དང་།
2. བརྩེ་བར་བྱ་བ་རིགས་པར་བསྟན་པའོ། །
དང་པོ་ཁྲོ་བར་བྱ་བ་མི་རིགས་པར་བསྟན་པ་ལ་གསུམ།
1. ཡུལ་ལ་བརྟགས་ན་མི་རིགས་པ།
2. ཡུལ་ཅན་ལ་བརྟགས་ན་མི་རིགས་པ།
3. རྟེན་ལ་བརྟགས་ན་མི་རིགས་པའོ། །
དང་པོ་ཡུལ་ལ་བརྟགས་ན་མི་རིགས་པ་ལ་བདུན།
1. རང་དབང་ཡོད་མེད་བརྟགས་ན་མི་རིགས་པ།
2. གློ་བུར་བ་དང་རང་བཞིན་གང་ཡིན་བརྟགས་ན་མི་རིགས་པ།
3. དངོས་དང་བརྒྱུད་པ་གང་གིས་གནོད་པ་ལ་བརྟགས་ན་མི་རིགས་པ།
4. གནོད་བྱེད་བསྐུལ་བའི་རྒྱུ་ལ་བརྟགས་ན་ཁྲོ་མི་རིགས་པ།
5. ཡུལ་ལ་བརྟགས་ན་ཁྲོ་བོ་མི་རིགས་པ།
6. ཡུལ་ཅན་ལ་བརྟགས་ན་ཁྲོ་བར་མི་རིགས་པ།
7. རྟེན་ལ་བརྟགས་ན་ཁྲོ་བར་མི་རིགས་པའོ། །
བདུན་པ་རྟེན་ལ་བརྟགས་ན་ཁྲོ་བར་མི་རིགས་པ་ལ་གཉིས།
1. གནོད་པའི་རྒྱུ་དང་སྐྱོན་ཅན་སྐྱོན་མེད་ལ་བརྟག་པ།
2. རང་གིས་ཁས་བླངས་པ་ལ་བརྟག་པའོ། །
གཉིས་པ་བཀུར་བ་སོགས་ཀྱི་གེགས་བྱས་པ་དང་བརྙས་པ་སོགས་གསུམ་བྱེད་པ་ལ་མི་བཟོད་པ་དགག་པ་ལ་གཉིས།
1. བསྟོད་པ་སོགས་ཀྱི་གེགས་བྱས་པ་ལ་མི་བཟོད་པ་དགག་པ་དང་།
2. བརྙས་པ་སོགས་གསུམ་བྱེད་པ་ལ་མི་བཟོད་པ་དགག་པའོ། །
དང་པོ་བསྟོད་པ་སོགས་ཀྱི་གེགས་བྱས་པ་ལ་མི་བཟོད་པ་དགག་པ་ལ་གསུམ།
1. བསྟོད་པ་སོགས་ལ་ཡོན་ཏན་མེད་པའི་ཚུལ་བསམ་པ།
2. སྐྱོན་ཡོད་པའི་ཚུལ་བསམ་པ།
3. དེ་ནས་དེ་དག་འགོག་པ་ལ་དགའ་བའོ། །
གཉིས་པ་སྡུག་བསྔལ་དང་དུ་ལེན་པའི་བཟོད་པ་བསྐྱེད་པ་ལ་གསུམ།
1. སྡུག་བསྔལ་དང་ལེན་ངེས་པར་དགོས་པའི་རྒྱུ་མཚན།
2. དེ་བསྐྱེད་པའི་ཐབས།
3. གཞིའི་སྒོ་ནས་རྒྱས་པར་བཤད་པའོ། །
གཉིས་པ་དེ་བསྐྱེད་པའི་ཐབསལ་གཉིས།
1. སྡུག་བསྔལ་བྱུང་བ་ལ་མཐའ་གཅིག་ཏུ་མི་དགའ་བར་འཛིན་པ་དགག་པ་དང་།
2. སྡུག་བསྔལ་དེ་དང་དུ་ལེན་པར་འོས་པར་བསྟན་པའོ། །
གཉིས་པ་སྡུག་བསྔལ་དེ་དང་དུ་ལེན་པར་འོས་པར་བསྟན་པ་ལ་གསུམ།
1. སྡུག་བསྔལ་རང་གི་ཡོན་ཏན་བསམ་པ།
2. སྡུག་བསྔལ་གྱི་དཀའ་སྤྱད་བཟོད་པའི་ཡོན་ཏན་བསམ་པ།
3. ཆུང་རིམ་ནས་གོམས་ན་མི་དཀའ་བའི་ཚུལ་ལོ། །
གཉིས་པ་སྡུག་བསྔལ་གྱི་དཀའ་སྤྱད་བཟོད་པའི་ཡོན་ཏན་བསམ་པ་ལ་གཉིས།
1. ཐར་པ་ལ་སོགས་པའི་དོན་ཆེ་བའི་ཕན་ཡོན་བསམ་པ།
2. སྡུག་བསྔལ་དཔག་ཏུ་མེད་པ་ལྡོག་པའི་ཕན་ཡོན་བསམ་པའོ། །
གསུམ་པ་གཞིའི་སྒོ་ནས་རྒྱས་པར་བཤད་པ་ལ་བརྒྱད།
1. གནས་ལ་བརྟེན་པ།
2. འཇིག་རྟེན་གྱི་ཆོས་ལ་བརྟེན་པ།
3. སྤྱོད་ལམ་ལ་བརྟེན་པ།
4. ཆོས་ཡོངས་སུ་འཛིན་པ་ལ་བརྟེན་པ།
5. སློང་མོས་འཚོ་བ་ལ་བརྟེན་པ།
6. མངོན་པར་བརྩོན་པས་དུབ་པ་ལ་བརྟེན་པ།
7. སེམས་ཅན་གྱི་དོན་བྱེད་པ་ལ་བརྟེན་པ།
8. འཕྲལ་གྱི་བྱ་བ་ལ་བརྟེན་པའོ། །
གསུམ་པ་ཆོས་ལ་ངེས་པར་སེམས་པ་ལ་མོས་པའི་བཟོད་པ་བསྐྱེད་པ་ལ་གཉིས།
1. མོས་པའི་ཡུལ།
2. མོས་པའི་ཚུལ་ལོ། །
བཞི་པ་བརྩོན་འགྲུས་ཀྱི་ཕར་ཕྱིན་ལ་བསླབ་པ་ལ་ལྔ།
1. བརྩོན་འགྲུས་ཀྱི་ངོ་བོ།
2. དེ་ཉམས་སུ་ལེན་པ་ལ་འཇུག་པའི་ཐབས།
3. བརྩོན་འགྲུས་ཀྱི་རབ་དབྱེ།
4. སྒྲུབ་པའི་ཚེ་ཇི་ལྟར་བྱ་བ།
5. དེ་དག་གི་དོན་བསྡུ་བའོ། །
གསུམ་པ་བརྩོན་འགྲུས་ཀྱི་རབ་དབྱེ་ལ་གཉིས།
1. རབ་དབྱེ་དངོས་དང་།
2. བརྩོན་འགྲུས་བསྐྱེད་པའི་ཐབས་སོ། །
དང་པོ་རབ་དབྱེ་དངོས་ལ་གསུམ།
1. གོ་ཆའི་བརྩོན་འགྲུས།
2. དགེ་བའི་ཆོས་སྡུད་ཀྱི་བརྩོན་འགྲུས།
3. སེམས་ཅན་དོན་བྱེད་ཀྱི་བརྩོན་འགྲུས་སོ། །
གཉིས་པ་བརྩོན་འགྲུས་དེ་བསྐྱེད་པའི་ཐབས་ལ་བཞི།
1. བརྩོན་འགྲུས་ཀྱི་གེགས་འགལ་རྐྱེན་སྤང་བ།
2. མཐུན་རྐྱེན་དཔུང་གི་ཚོགས་བསག་པ།
3. དེ་ལ་བརྟེན་ནས་བརྩོན་འགྲུས་རྩོམ་པ་ལྷུར་བླང་བ།
4. དེ་ལས་ལུས་སེམས་ལས་སུ་རུང་བར་བྱ་ཚུལ་ལོ། །
དང་པོ་བརྩོན་འགྲུས་ཀྱི་གེགས་འགལ་རྐྱེན་སྤང་བ་ལ་གཉིས།
1. མི་མཐུན་ཕྱོགས་ངོས་བཟུང་བ་དང་།
2. དེ་སྤོང་པའི་ཐབས་བསྟེན་པའོ། །
གཉིས་པ་དེ་སྤོང་པའི་ཐབས་བསྟེན་པ་ལ་གསུམ།
1. ཕྱི་བཤོལ་གྱི་ལེ་ལོ་འགོག་པ་དང་།
2. བྱ་བ་ངན་པ་ལ་ཆགས་པ་དགག་པ།
3. སྒྱིད་ལུག་པའམ་བདག་ཉིད་བརྙས་པ་དགག་པའོ། །
གསུམ་པ་སྒྱིད་ལུག་པའམ་བདག་ཉིད་བརྙས་པ་དགག་པ་ལ་གསུམ།
1. ཐོབ་བྱ་ལ་སྒྱིད་ལུག་པ་དགག་པ་དང་།
2. དེ་ཐོབ་པའི་ཐབས་ལ་སྒྱིད་ལུག་པ་དགག་པ་དང་།
3. གང་དུ་གནས་ནས་བསྒྲུབ་པའི་གནས་ལ་ཞུམ་པ་དགག་པའོ། །
གཉིས་པ་མཐུན་རྐྱེན་དཔུང་གི་ཚོགས་བསགས་པ་ལ་བཞི།
1. མོས་པ།
2. བརྟན་པ།
3. དགའ་བའི་སྟོབས་བསྐྱེད་པ།
4. དོར་བའི་སྟོབས་སོ། །
ལྔ་པ་བསམ་གཏན་གྱི་ཕར་ཕྱིན་ལ་བསླབ་པ་ལ་ལྔ།
1. བསམ་གཏན་གྱི་ངོ་བོ།
2. དེ་བསྒོམ་པ་ལ་འཇུག་པའི་ཐབས།
3. བསམ་གཏན་གྱི་རབ་དབྱེ།
4. བསྒྲུབ་པའི་ཚེ་ཇི་ལྟར་བྱ་བ།
5. དེ་དག་གི་དོན་བསྡུ་བའོ། །
དྲུག་པ་ཤེས་རབ་ཀྱི་བསླབ་པ་ལ་ལྔ།
1. ཤེས་རབ་ཀྱི་ངོ་བོ།
2. དེ་བསྐྱེད་པ་ལ་འཇུག་པའི་ཐབས།
3. ཤེས་རབ་ཀྱི་རབ་དབྱེ།
4. བསྒྲུབ་པའི་ཚེ་ཇི་ལྟར་བྱ་བ།
5. དེ་དག་གི་དོན་བསྡུ་བའོ། །
གསུམ་པ་ཤེས་རབ་ཀྱི་རབ་དབྱེ་ལ་གསུམ།
1. དོན་དམ་རྟོགས་པ།
2. ཀུན་རྫོབ་རྟོགས་པ།
3. སེམས་ཅན་གྱི་དོན་བྱ་བ་རྟོགས་པའི་ཤེས་རབ་བོ། །
གཉིས་པ་གཞན་གྱི་རྒྱུད་སྨིན་པར་བྱེད་པ་བསྡུ་བཞི་ལ་ལྔ།
1. བསྡུ་བཞིའི་ངོ་བོ།
2. བཞིར་བཞག་པའི་རྒྱུ་མཚན།
3. བསྡུ་བཞིའི་བྱེད་ལས།
4. འཁོར་སྡུད་པས་དེ་ལ་བརྟེན་དགོས་པ།
5. ཅུང་ཟད་རྒྱས་པར་བཤད་པའོ། །
ལྔ་པ་ཅུང་ཟད་རྒྱས་པར་བཤད་པ་ལ་གཉིས།
1. འཇིག་རྟེན་གྱི་ཚུལ་དང་ལྡན་པའི་སྙན་སྨྲ།
2. ཡང་དག་པའི་ཆོས་བསྟན་པ་དང་ལྡན་པའི་སྙན་སྨྲའོ། །
གཉིས་པ་ཁྱད་པར་དུ་ཕར་ཕྱིན་ཐ་མ་གཉིས་ལ་བསླབ་པ་ལ་དྲུག
1. ཞི་གནས་དང་ལྷག་མཐོང་བསྒོམ་པའི་ཕན་ཡོན།
2. དེ་གཉིས་ཏིང་ངེ་འཛིན་ཐམས་ཅད་ཀྱི་སྡུད་བྱེད་དུ་བསྟན་པ།
3. ཞི་གནས་དང་ལྷག་མཐོང་གི་ངོ་བོ།
4. གཉིས་ག་བསྒོམ་དགོས་པའི་རྒྱུ་མཚན།
5. གོ་རིམ་ངེས་པའི་ཚུལ།
6. སོ་སོའི་བསླབ་ཚུལ་ལོ། །
དྲུག་པ་སོ་སོའི་བསླབ་ཚུལ་ལ་གསུམ།
1. ཞི་གནས་ལ་བསླབ་ཚུལ།
2. ལྷག་མཐོང་ལ་བསླབ་ཚུལ།
3. དེ་གཉིས་ཟུང་དུ་འབྲེལ་བའི་ཚུལ་ལོ། །
དང་པོ་ཞི་གནས་ལ་བསླབ་ཚུལ་ལ་གསུམ།
1. ཞི་གནས་ཀྱི་ཚོགས་བསྟེན་པ།
2. དེ་ལ་བརྟེན་ནས་ཞི་གནས་བསྒོམ་པའི་ཚུལ།
3. བསྒོམས་པས་ཞི་གནས་གྲུབ་པའི་ཚད་དོ། །
དང་པོ་ཞི་གནས་ཀྱི་ཚོགས་བསྟེན་པ་ལ་དྲུག
1. མཐུན་པའི་ཡུལ་ན་གནས་པ།
2. འདོད་པ་ཆུང་བ།
3. ཆོག་ཤེས་པ།
4. བྱ་བ་མང་པོ་ཡོངས་སུ་སྤངས་པ།
5. ཚུལ་ཁྲིམས་ཡོངས་སུ་དག་པ།
6. འདོད་པ་ལ་སོགས་པའི་རྣམ་རྟོག་ཡོངས་སུ་སྤངས་པའོ། །
གཉིས་པ་དེ་ལ་བརྟེན་ནས་ཞི་གནས་བསྒོམ་པའི་ཚུལ་ལ་གཉིས།
1. སྦྱོར་བ་དང་།
2. དངོས་གཞིའོ། །
གཉིས་པ་དངོས་གཞི་ལ་གཉིས།
1. ལུས་ཀྱི་སྤྱོད་ལམ་ཇི་འདྲ་བས་བསྒོམ་པ།
2. བསྒོམ་པའི་རིམ་པ་ཉིད་བཤད་པའོ། །
གཉིས་པ་བསྒོམ་པའི་རིམ་པ་ཉིད་བཤད་པ་ལ་གཉིས།
1. ཏིང་ངེ་འཛིན་སྐྱོན་མེད་བསྐྱེད་པའི་ཚུལ་དང་།
2. དེ་ལ་བརྟེན་ནས་སེམས་གནས་སྐྱེ་བའི་རིམ་པའོ། །
དང་པོ་ཏིང་ངེ་འཛིན་སྐྱོན་མེད་བསྐྱེད་པའི་ཚུལ་ལ་གསུམ།
1. སེམས་དམིགས་པ་ལ་གཏོད་པའི་སྔོན་དུ་ཇི་ལྟར་བྱ་བ།
2. དམིགས་པ་ལ་གཏོད་པའི་དུས་སུ་ཇི་ལྟར་བྱ་བ།
3. དམིགས་པ་ལ་གཏོད་པའི་འོག་ཏུ་ཇི་ལྟར་བྱ་བའོ། །
གཉིས་པ་དམིགས་པ་ལ་གཏོད་པའི་དུས་སུ་ཇི་ལྟར་བྱ་བ་ལ་གཉིས།
1. སེམས་གང་ལ་འཇོག་པའི་གཞི་དམིགས་པ་ངོས་བཟུང་བ་དང་།
2. དེ་ལ་སེམས་ཇི་ལྟར་གཏོད་པའི་ཚུལ་ལོ། །
དང་པོ་སེམས་གང་ལ་འཇོག་པའི་གཞི་དམིགས་པ་ངོས་བཟུང་བ་ལ་གཉིས།
1. དམིགས་པ་སྤྱིའི་རྣམ་པར་བཞག་པ་དང་།
2. སྐབས་སུ་བབ་པའི་དམིགས་པ་ངོས་བཟུང་བའོ། །
དང་པོ་དམིགས་པ་སྤྱིའི་རྣམ་པར་བཞག་པ་ལ་གསུམ།
1. དམིགས་པ་དངོས་བསྟན་པ།
2. གང་ཟག་གང་གིས་གང་ལ་དམིགས་པར་བྱ་བ་བསྟན་པ།
3. དམིགས་པའི་རྣམ་གྲངས་བསྟན་པའོ། །
གཉིས་པ་དེ་ལ་སེམས་ཇི་ལྟར་གཏོད་པའི་ཚུལ་ལ་གསུམ།
1. སྐྱོན་མེད་པའི་ལུགས་བཞག་པ།
2. སྐྱོན་དང་བཅས་པའི་ལུགས་བསལ་བ།
3. ཐུན་གྱི་ཚད་བསྟན་པའོ། །
གསུམ་པ་དམིགས་པ་ལ་གཏོད་པའི་འོག་ཏུ་ཇི་ལྟར་བྱ་བ་ལ་གཉིས།
1. བྱིང་རྒོད་བྱུང་བའི་དུས་སུ་ཇི་ལྟར་བྱ་བ།
2. བྱིང་རྒོད་དང་བྲལ་བའི་དུས་སུ་ཇི་ལྟར་བྱ་བའོ། །
དང་པོ་བྱིང་རྒོད་བྱུང་བའི་དུས་སུ་ཇི་ལྟར་བྱ་བ་ལ་གཉིས།
1. བྱིང་རྒོད་ངོས་མ་ཟིན་པའི་གཉེན་པོ་བསྟེན་པ།
2. ངོས་ཟིན་ཀྱང་དེ་སྤང་བའི་ཕྱིར་དུ་མི་རྩོལ་བའི་གཉེན་པོ་བསྟེན་པའོ། །
དང་པོ་བྱིང་རྒོད་ངོས་མ་ཟིན་པའི་གཉེན་པོ་བསྟེན་པ་ལ་གཉིས།
1. བྱིང་རྒོད་ཀྱི་མཚན་ཉིད་གཏན་ལ་དབབ་པ་དང་།
2. བསྒོམ་པའི་དུས་སུ་དེ་རྟོགས་པའི་ཤེས་བཞིན་བསྐྱེད་པའི་ཐབས་སོ། །
གཉིས་པ་ངོས་ཟིན་ཀྱང་དེ་སྤོང་བའི་ཕྱིར་དུ་མི་རྩོལ་བའི་གཉེན་པོ་བསྟེན་པ་ལ་གཉིས།
1. སེམས་པ་ངོས་བཟུང་ཞིང་བྱིང་རྒོད་འགོག་པའི་ཚུལ་དང་།
2. གང་ལ་བརྟེན་ནས་བྱིང་རྒོད་སྐྱེ་བའི་རྒྱུ་ངོས་བཟུང་བའོ། །
གསུམ་པ་དེ་ལ་བརྟེན་ནས་སེམས་གནས་སྐྱེ་བའི་རིམ་པ་ལ་གསུམ།
1. སེམས་གནས་སྐྱེ་བའི་རིམ་པ་དངོས།
2. དེ་སྟོབས་དྲུག་གིས་འགྲུབ་ལུགས།
3. དེ་ལ་ཡིད་ལ་བྱེད་པ་བཞི་ཡོད་པའི་ཚུལ་ལོ། །
དང་པོ་སེམས་གནས་སྐྱེ་བའི་རིམ་པ་དངོས་ལ་དགུ།
1. དེ་དང་དེ་ལ་སེམས་འཇོག་པ།
2. རྒྱུན་དུ་འཇོག་པ།
3. བླན་ཏེ་འཇོག་པ།
4. ཉེ་བར་འཇོག་པ།
5. དུལ་བར་བྱེད་པ།
6. ཞི་བར་བྱེད་པ།
7. རྣམ་པར་ཞི་བར་བྱེད་པ།
8. རྩེ་གཅིག་ཏུ་བྱེད་པ།
9. མཉམ་པར་འཇོག་པའོ། །
གསུམ་པ་བསྒོམས་པས་ཞི་གནས་གྲུབ་པའི་ཚད་ལ་གསུམ།
1. ཞི་གནས་གྲུབ་པ་དང་མ་གྲུབ་པའི་ས་མཚམས་བསྟན་པ།
2. ཞི་གནས་ལ་བརྟེན་ནས་ལམ་བགྲོད་ཚུལ་སྤྱིར་བསྟན་པ།
3. ཁྱད་པར་དུ་འཇིག་རྟེན་པའི་ལམ་བགྲོད་ཚུལ་བསྟན་པའོ། །
དང་པོ་ཞི་གནས་གྲུབ་པ་དང་མ་གྲུབ་པའི་ས་མཚམས་བསྟན་པ་ལ་གཉིས།
1. དངོས་ཀྱི་དོན་བསྟན་པ་དང་།
2. ཡིད་བྱེད་དང་ལྡན་པའི་རྟགས་དོགས་གཅོད་དང་བཅས་པའོ། །
གསུམ་པ་ཁྱད་པར་དུ་འཇིག་རྟེན་པའི་ལམ་བགྲོད་ཚུལ་བསྟན་པ་ལ་གཉིས།
1. ཞི་རགས་ཀྱི་རྣམ་པ་ཅན་གྱི་ལམ་བགྲོད་པའི་སྔོན་དུ་ཞི་གནས་ཐོབ་དགོས་པར་བསྟན་པ་དང་།
2. ཞི་གནས་ལ་བརྟེན་ནས་འདོད་པ་ལ་ཆགས་པ་དང་བྲལ་བར་བྱེད་པའི་ཚུལ་ལོ། །
གཉིས་པ་ལྷག་མཐོང་ལ་བསླབ་པའི་ཚུལ་ལ་བཞི།
1. ལྷག་མཐོང་གི་ཚོགས་བསྟེན་པ།
2. ལྷག་མཐོང་གི་རབ་དབྱེ།
3. ལྷག་མཐོང་སྒོམ་པའི་ཚུལ།
4. བསྒོམས་པས་ལྷག་མཐོང་གྲུབ་པའི་ཚད་དོ། །
དང་པོ་ལྷག་མཐོང་གི་ཚོགས་བསྟེན་པ་ལ་གསུམ།
1. དྲང་དོན་དང་ངེས་དོན་གྱི་གསུང་རབ་ངོས་བཟུང་བ་དང་།
2. ཀླུ་སྒྲུབ་ཀྱི་དགོངས་པ་འགྲེལ་བའི་ཚུལ་ཇི་ལྟར་བྱུང་བ།
3. སྟོང་ཉིད་ཀྱི་ལྟ་བ་གཏན་ལ་འབེབས་པའི་ཚུལ་ལོ། །
གསུམ་པ་སྟོང་ཉིད་ཀྱི་ལྟ་བ་གཏན་ལ་འབེབས་པའི་ཚུལ་ལ་གཉིས།
1. དེ་ཁོ་ན་ཉིད་ལ་འཇུག་པའི་རིམ་པ་དང་།
2. དེ་ཁོ་ན་ཉིད་གཏན་ལ་དབབ་པ་དངོས་སོ། །
གཉིས་པ་དེ་ཁོ་ན་ཉིད་གཏན་ལ་དབབ་པ་དངོས་ལ་གསུམ།
1. རིགས་པའི་དགག་བྱ་ངོས་བཟུང་བ།
2. དེ་འགོག་པ་དེ་ཐལ་རང་གང་གིས་བྱེད་པ།
3. བྱེད་པ་དེ་ལ་བརྟེན་ནས་ལྟ་བ་རྒྱུད་ལ་བསྐྱེད་པའི་ཚུལ་ལོ། །
དང་པོ་རིགས་པའི་དགག་བྱ་ངོས་བཟུང་བ་ལ་གསུམ།
1. དགག་བྱ་ལེགས་པར་ངོས་ཟིན་དགོས་པའི་རྒྱུ་མཚན།
2. དགག་བྱ་ངོས་མ་ཟིན་པར་འགོག་པའི་གཞན་ལུགས་དགག་པ།
3. རང་གི་ལུགས་ཀྱི་དགག་བྱ་ངོས་འཛིན་པའི་ཚུལ་ལོ། །
གཉིས་པ་དགག་བྱ་ངོས་མ་ཟིན་པར་འགོག་པའི་གཞན་ལུགས་དགག་པ་ལ་གཉིས།
1. དགག་བྱ་ངོས་འཛིན་ཧ་ཅང་ཁྱབ་ཆེས་པ་དགག་པ།
2. དགག་བྱ་ངོས་འཛིན་ཁྱབ་ཆུངས་པ་དགག་པའོ། །
དང་པོ་དགག་བྱ་ངོས་འཛིན་ཧ་ཅང་ཁྱབ་ཆེས་པ་དགག་པ་ལ་གཉིས།
1. འདོད་པ་བརྗོད་པ་དང་།
2. དེ་མི་འཐད་པར་བསྟན་པའོ། །
གཉིས་པ་དེ་མི་འཐད་པར་བསྟན་པ་ལ་གཉིས།
1. ལུགས་དེས་དབུ་མའི་ཐུན་མོང་མ་ཡིན་པའི་ཁྱད་ཆོས་བཀག་པར་བསྟན་པ།
2. གནོད་བྱེད་བརྗོད་པ་རྣམས་ཀྱིས་སུན་མི་ཕྱིན་པར་བསྟན་པའོ། །
དང་པོ་ལུགས་དེས་དབུ་མའི་ཐུན་མོང་མ་ཡིན་པའི་ཁྱད་ཆོས་བཀག་པར་བསྟན་པ་ལ་གསུམ།
1. དབུ་མའི་ཁྱད་ཆོས་ངོས་བཟུང་བ།
2. ལུགས་དེས་དེ་ཇི་ལྟར་བཀག་པའི་ཚུལ།
3. དེ་ལ་དབུ་མ་པས་ལན་ཇི་ལྟར་བཏབ་པའོ། །
གཉིས་པ་གནོད་བྱེད་བརྗོད་པ་རྣམས་ཀྱིས་སུན་མི་ཕྱིན་པར་བསྟན་པ་ལ་བཞི།
1. རིགས་པས་དཔྱད་བཟོད་མི་བཟོད་བརྟགས་ནས་བཀག་པས་སུན་འབྱིན་མི་ནུས་པ།
2. ཚད་མས་གྲུབ་མ་གྲུབ་བརྟགས་ནས་འགོག་པས་སུན་འབྱིན་མི་ནུས་པ།
3. མུ་བཞིའི་སྐྱེ་བ་ཡིན་མིན་བརྟགས་ནས་འགོག་པས་སུན་འབྱིན་མི་ནུས་པ།
4. དངོས་པོ་ཡོད་མེད་སོགས་ཀྱི་མུ་བཞི་ཀ་འགོག་པ་གནོད་བྱེད་དུ་མི་རུང་བར་བསྟན་པའོ། །
གསུམ་པ་རང་ལུགས་ཀྱི་དགག་བྱ་ངོས་བཟུང་བ་ལ་གསུམ།
1. དངོས་ཀྱི་དོན་དགག་བྱ་ངོས་བཟུང་བ།
2. དེ་དགག་བྱ་གཞན་ལ་སྦྱོར་མི་སྦྱོར་གྱི་ཚུལ།
3. དགག་བྱ་ལ་དོན་དམ་གྱི་ཁྱད་པར་སྦྱོར་མི་སྦྱོར་བཤད་པའོ། །
གཉིས་པ་དགག་བྱ་འགོག་པ་དེ་ཐལ་རང་གང་གིས་བྱེད་པ་ལ་གཉིས།
1. ཐལ་རང་གི་དོན་ངོས་བཟུང་བ།
2. དེ་གཉིས་སུའི་རྗེས་སུ་འབྲངས་ནས་ལྟ་བ་རྒྱུད་ལ་བསྐྱེད་པའོ། །
དང་པོ་ཐལ་རང་གི་དོན་ངོས་བཟུང་བ་ལ་གཉིས།
1. གཞན་ལུགས་དགག་པ་དང་།
2. རང་ལུགས་བཞག་པའོ། །
དང་པོ་གཞན་ལུགས་དགག་པ་ལ་གཉིས།
1. འདོད་པ་བརྗོད་པ་དང་།
2. དེ་དགག་པའོ། །
གཉིས་པ་དེ་དགག་པ་ལ་བཞི།
1. ལུགས་དང་པོ་དགག་པ།
2. ལུགས་གཉིས་པ་དགག་པ། །
3. ལུགས་གསུམ་པ་དགག་པ།
4. ལུགས་བཞི་པ་དགག་པའོ། །
གཉིས་པ་རང་ལུགས་བཞག་པ་ལ་གཉིས།
1. རང་རྒྱུད་སུན་དབྱུང་བ་དངོས་དང་།
2. དེ་རང་ལ་མི་མཚུངས་པའི་ཚུལ་ལོ། །
དང་པོ་རང་རྒྱུད་སུན་དབྱུང་བ་དངོས་ལ་གཉིས།
1. གཞི་ཆོས་ཅན་མ་གྲུབ་པའི་ཕྱོགས་ཀྱི་སྐྱོན་བསྟན་པ་དང་།
2. སྐྱོན་དེས་གཏན་ཚིགས་ཀྱང་མ་གྲུབ་པར་བསྟན་པའོ། །
དང་པོ་གཞི་ཆོས་ཅན་མ་གྲུབ་པའི་ཕྱོགས་ཀྱི་སྐྱོན་བསྟན་པ་ལ་གཉིས།
1. འདོད་པ་བརྗོད་པ་དང་།
2. དེ་དགག་པའོ། །
གཉིས་པ་དེ་དགག་པ་ལ་གཉིས།
1. དོན་མི་འཐད་པ་དང་།
2. དཔེ་བཀོད་པ་དང་མི་འདྲ་བའོ། །
གསུམ་པ་བྱེད་པ་དེ་ལ་བརྟེན་ནས་ལྟ་བ་རྒྱུད་ལ་བསྐྱེད་པའི་ཚུལ་ལ་གསུམ།
1. གང་ཟག་གི་བདག་མེད་གཏན་ལ་དབབ་པ།
2. ཆོས་ཀྱི་བདག་མེད་གཏན་ལ་དབབ་པ།
3. ལྟ་བ་དེ་དག་གོམས་པས་སྒྲིབ་པ་སྤོང་ཚུལ་ལོ། །
དང་པོ་གང་ཟག་གི་བདག་མེད་གཏན་ལ་དབབ་པ་ལ་གསུམ།
1. བདག་རང་བཞིན་མེད་པར་གཏན་ལ་དབབ་པ་དངོས།
2. དེས་བདག་གི་བ་ཡང་རང་བཞིན་མེད་པར་གྲུབ་པར་བསྟན་པ།
3. རིགས་པ་དེ་རྣམས་གཞན་ལ་ཡང་སྦྱར་བའི་ཚུལ་ལོ། །
དང་པོ་བདག་རང་བཞིན་མེད་པར་གཏན་ལ་དབབ་པ་དངོས་ལ་གཉིས།
1. དཔེ་བཀོད་པ་དང་།
2. དོན་ལ་སྦྱར་བའོ། །
དང་པོ་དཔེ་བཀོད་པ་ལ་བཞི།
1. ཤིང་རྟ་རང་བཞིན་མེད་པའི་བཏགས་ཡོད་དུ་བསྟན་པ།
2. དེ་ལ་རྩོད་པ་སྤང་བ།
3. མིང་གི་ཁྱད་པར་གྱི་སྒོ་ནས་གྲུབ་པའི་ཚུལ།
4. དེ་ལ་བརྟེན་ནས་མྱུར་དུ་ལྟ་བ་རྙེད་པའི་ཕན་ཡོན་ནོ། །
གཉིས་པ་དོན་ལ་སྦྱར་བ་ལ་གཉིས།
1. རང་བཞིན་མེད་པའི་ཚུལ་དོན་ལ་སྦྱར་བ་དང་།
2. མིང་གི་ཁྱད་པར་གྱི་སྒོ་ནས་གྲུབ་ཚུལ་དོན་ལ་སྦྱར་བའོ། །
དང་པོ་རང་བཞིན་མེད་པའི་ཚུལ་དོན་ལ་སྦྱར་བ་ལ་བཞི།
1. བདག་ཕུང་པོ་དང་གཅིག་པའི་ཕྱོགས་དགག་པ།
2. བདག་ཕུང་པོ་དང་ཐ་དད་པའི་ཕྱོགས་དགག་པ།
3. དེས་ཕྱོགས་ལྷག་མ་རྣམས་ཀྱང་ཁེགས་པར་འགྱུར་བ།
4. དེ་ལ་བརྟེན་ནས་གང་ཟག་སྒྱུ་མ་ལྟ་བུར་འཆར་བའི་ཚུལ་ལོ། །
གསུམ་པ་ལྷག་མཐོང་བསྒོམ་པའི་ཚུལ་ལ་གཉིས།
1. ལུགས་གཞན་དགག་པ་དང་།
2. རང་ལུགས་བཞག་པའོ། །
དང་པོ་ལུགས་གཞན་དགག་པ་ལ་བཞི།
1. གཞན་ལུགས་དགག་པ་དང་པོ།
2. ལུགས་གཞན་དགག་པ་གཉིས་པ།
3. ལུགས་གཞན་དགག་པ་གསུམ་པ།
4. ལུགས་གཞན་དགག་པ་བཞི་པ་དང་བཞིའོ། །
གཉིས་པ་རང་ལུགས་བཞག་པ་ལ་གསུམ།
1. འཇོག་སྒོམ་དཔྱད་སྒོམ་གཉིས་ཀ་དགོས་པའི་རྒྱུ་མཚན།
2. དེ་ལ་རྩོད་པ་སྤང་བ།
3. སྐྱོང་ཚུལ་གྱི་གནད་བསྡུས་ཏེ་བཤད་པའོ། །
བྱང་ཆུབ་ལམ་གྱི་རིམ་པའི་འཁྲིད་ཀྱི་ས་བཅད་རྫོགས་སོ།། །།སརྦ་མངྒལཾ།། །།
གཞི་ཡི་གནས་ཚུལ་བདེན་གཉིས་དོན་ཤེས་པས།།
བདེན་བཞིའི་འཁོར་བ་འཇུག་ལྡོག་ཇི་བཞིན་ངེས།།
ཚད་མས་དྲངས་པའི་སྐྱབས་གསུམ་དད་པ་བརྟན།།
ཐར་ལམ་རྩ་བ་ཚུགས་པར་བྱིན་གྱིས་རློབས།།
