སྟོན་པ་རྗེས་སུ་དྲན་པའི་སྙན་ངག
བེ་རི་རྒྱལ་སྲས།
༼གླེང་སློང་བ།༽
འཇིག་རྟེན་བདེ་མཆོག་རྡོག་པས་རྫིས་བྱས་ཏེ།།
མི་མེད་ལུང་སྟོང་ཞིག་ན་ལོ་དྲུག་རིང་།།
ཟས་བཅད་ངོ་རྒོལ་གནང་བའི་འཐབ་རྩོད་པ།།
གཞོན་ནུ་དོན་གྲུབ་ཁྱེད་ནི་ལྐུགས་པ་ལ།།
མི་མེད་ལུང་སྟོང་ཞིག་ན་ལོ་དྲུག་རིང་།།
ཟས་བཅད་ངོ་རྒོལ་གནང་བའི་འཐབ་རྩོད་པ།།
གཞོན་ནུ་དོན་གྲུབ་ཁྱེད་ནི་ལྐུགས་པ་ལ།།
མཛེས་མས་ཡོད་ཚད་འབུལ་བའི་དྲིན་ལན་དུ།།
དབང་པོ་ཐམས་ཅད་བསྡམས་པའི་སྒྲིག་སྲོལ་ལ།།
ཚུལ་ཁྲིམས་མཚན་གྱིས་བསྙད་པའི་ཁྲིམས་དཔོན་མཆོག།
ང་ཡི་རང་དབང་འཕྲོག་མཁན་ཁྱེད་ཉིད་ཡིན།།
ཀུན་གྱིས་བྱས་པ་ང་ཡིས་མི་ཆོག་ཅིང་།།
ཐམས་ཅད་འཛུལ་སར་ཁོ་བོ་མི་རུང་ལ།།
ཡོད་ཚད་འགྲོ་སར་བདག་ནི་མི་ཕོད་པས།།
ང་ཡི་འགྲོ་ལམ་འགོག་མཁན་ཁྱེད་ཉིད་ཡིན།།
མི་ལོ་ཉི་ཤུར་ཁྱེད་ཞབས་ལྡག་པ་ལས།།
ཁོ་བོའི་འགྲམ་གྱི་མི་བུ་ཕལ་མོ་ཆེས།།
ཡེ་ནས་མ་སླེབས་གཏན་ནས་མ་མྱོང་བའི།།
སྔོན་མེད་བདེ་བ་ཞིག་གིས་བདག་ལ་འཁྱུད།།
ཐམས་ཅད་སྒྲ་ལ་ཆགས་པའི་ཡོ་ལང་ཁྲོད།།
ཀླད་མེད་ཨུ་ཚུགས་ཅན་གྱི་ཉམ་ཆུང་ངས།།
ཁྱེད་ཞབས་མིག་ཆུས་དཀྲུས་པའི་ཁུ་བ་ཡིས།།
དུག་གསུམ་དྲི་མ་ཡོངས་སུ་དག་གྱུར་ཅིག།
༼ང་ཁྱེད་ལ་ཧང་སངས་དོན།༽
མཛེས་མ་སྟོང་གིས་བསྐོར་བའི་དཀྱིལ་འཁོར་ན།།
འཐམ་འཁྱུད་བདེ་བའི་དབྱིངས་ལ་མ་ཞུགས་པར།།
ལུང་སྟོང་ཞིག་ན་ལྟོ་སྐྱ་གོས་ཧྲུལ་གྱི།།
འཚོ་བར་ཞེན་ཆགས་གནང་མཁན་གླེན་རྟགས་ཁྱེད།།
ཁྱེད་ལ་ལུས་ངག་ཡིད་གསུམ་ཕུལ་མྱོང་བའི།།
ས་མཚོ་མཛེས་མ་མཁར་ནས་མཆོང་ན་ཡང་།།
བསླབ་པའི་སྡོམ་པ་ཐུགས་ཀྱིས་མ་བཏང་བའི།།
གཽ་ཏམ་ཁྱེད་ནི་ཚོར་བ་མེད་མཁན་ཞིག།
༼ངས་ཁྱེད་ལ་དད་པ་བྱེད་དོན།༽
ལུང་པ་རེ་ལ་བླ་མ་ཆེ་ཆུང་རེ།།
བླ་མ་རེ་ལ་ཆོས་ལུགས་གྲུབ་མཐའ་རེ།།
དེའི་ཕྱིར་ཆོས་ལྤགས་གྱོན་པའི་ཟློས་གར་ལ།།
ཆུང་ངུའི་དུས་ནས་ཡིད་ཀ་ལོག་ཚར་ཡོད།།
དེ་ལྟར་ན་ཡང་ཁྱེད་གསུང་མཇལ་བའི་མོད།།
ཐེ་ཚོམ་ཞིག་གིས་ཀླད་རྩ་རྨང་ནས་བསྒུལ།།
དོགས་སློང་ཞིག་གིས་སེམས་པ་གཏིང་ནས་གཡོ།།
ཡིད་ཆེས་ཤིག་གིས་སྙིང་ཁར་དམ་དུ་འཁྱུད།།
གློ་བུར་དྲི་མའི་དངོས་འཛིན་སྤྲིན་ཕུང་ཚོགས།།
དོན་དམ་འགོག་པའི་མཁའ་ལ་འཐིམ་པ་ཡི།།
ཆོས་དབྱིངས་དག་པའི་ཞི་བ་མྱང་འདས་ལ།།
བྲལ་མེད་དགའ་བས་འཁྱུད་མཁན་ཁྱེད་ཉིད་ཙམ།།
ཆོས་ཀུན་རང་བཞིན་གདོད་ནས་སྟོང་པ་ལ།།
རྟེན་འབྲེལ་ལྟོས་བཅས་རྣམ་གཞག་འཇོག་པའི་ཚུལ།།
ཐུབ་པ་ཁྱེད་ཀྱིས་མ་གཏོགས་མི་འཇོན་ལ།།
ཇི་བཞིན་གོ་བའི་སྐྱེས་བུ་རེ་གཉིས་ཙམ།།
བདག་ཉིད་འཚོལ་བའི་འགྲུལ་བཞུད་རིང་པོའི་ནང་།།
བདག་གི་སྟེང་ནས་བདག་ཉིད་མ་རྙེད་ཀྱང་།།
ཚོགས་ལ་བརྟེན་ནས་བདག་ཉིད་འཇོག་ཚུལ་དེས།།
བདག་དང་བདག་གི་སེམས་པ་ལྷོད་ལ་བབ།།
ཐམས་ཅད་རྟོག་པས་བཏགས་པའི་ལྟ་གྲུབ་ཀྱིས།།
འདི་སྣང་སྒྱུ་མའི་ཡོ་ལང་གཏོར་ན་ཡང་།།
ཁྱེད་ཀྱང་རྟོག་བཏགས་ཡིན་པའི་འཛིན་པ་ཡིས།།
སྐབས་རེར་མ་བདེ་ཞིག་ཞིག་དལ་གྱིས་འོངས།།
ཐུབ་པ་ཁྱེད་ཀྱི་གདམས་ངག་རེ་རེ་ལ།།
ཕྲ་ཞིབ་རིགས་པས་དལ་གྱིས་དཔྱད་པ་ན།།
ཁྱེད་ཀྱི་དགོངས་པ་ཇི་བཞིན་རྟོགས་དཀའ་ཡང་།།
ཐེ་ཚོམ་གྱིས་ཀྱང་བདེ་བ་མཆོག་ཏུ་སྟེར།།
ཆུང་ངུའི་དུས་ནས་གདན་ས་རྒྱ་མཚོའི་ནང་།།
བཤེས་གཉེན་མཁས་པའི་ཐུགས་རྗེ་བྱིན་རླབས་ཀྱིས།།
ཁྱེད་གསུང་ཐོས་པའི་སྐལ་བ་ཐོབ་པ་དེ།།
ཡང་ཡང་བསམ་ན་དགའ་བས་འཛུམ་མ་ཁོག།
༼ མཇུག་བསྡུ་བ།༽
ཀུན་གྱིས་ཤུལ་དུ་བསྐྱུར་བའི་ཉམ་ཆུང་ངས།།
གློ་སྙིང་བྲང་གསུམ་ཁྱེད་ལ་ཕུལ་ཡོད་པས།།
འདི་ཕྱི་བར་དོ་སྐྱེ་བ་ཐམས་ཅད་དུ།།
ཁྱེད་ཀྱིས་བསྐྱབ་རྒྱུ་ནམ་ཡང་མ་བརྗེད་རོགས།།
གང་གི་ཆེད་དུ་བསྔོ་སྨོན་བྱེད་ས་ནི།།
དྲིན་ཆེན་ཕ་མ་གཉིས་ལས་མེད་པས་ན།།
ད་ཕྲུག་ཁོ་བོའི་གདུང་འབོད་ལ་གཟིགས་ནས།།
དྲིན་ཆེན་གཉིས་ལའང་གཟིགས་པ་མ་ཆུང་རོགས།།
༢༠༡༤/༧/༣༡ ཆོས་འཁོར་དུས་ཆེན་ཉིན། སྟོན་པས་ཆོས་འཁོར་ཐོག་མར་གང་དུ་བསྐོར་བའི་གནས་མཆོག་ཝཱ་རཱ་ཎ་སཱི་དྲང་སྲོང་ སྨྲ་བ་རི་དྭགས་ཀྱི་ནགས་སུ། དཔེ་ཆ་བ། སྙན་ངག་པ། སྤྲང་འཁྱམ་པ། ཉམས་ཞིབ་པ། རྒྱལ་ཁམས་པ། གཉིས་མེད་པ། ཐ་ཤལ་བ། བེ་རི་རྒྱལ་སྲས་ཀྱིས་བྲིས།
དབང་པོ་ཐམས་ཅད་བསྡམས་པའི་སྒྲིག་སྲོལ་ལ།།
ཚུལ་ཁྲིམས་མཚན་གྱིས་བསྙད་པའི་ཁྲིམས་དཔོན་མཆོག།
ང་ཡི་རང་དབང་འཕྲོག་མཁན་ཁྱེད་ཉིད་ཡིན།།
ཀུན་གྱིས་བྱས་པ་ང་ཡིས་མི་ཆོག་ཅིང་།།
ཐམས་ཅད་འཛུལ་སར་ཁོ་བོ་མི་རུང་ལ།།
ཡོད་ཚད་འགྲོ་སར་བདག་ནི་མི་ཕོད་པས།།
ང་ཡི་འགྲོ་ལམ་འགོག་མཁན་ཁྱེད་ཉིད་ཡིན།།
མི་ལོ་ཉི་ཤུར་ཁྱེད་ཞབས་ལྡག་པ་ལས།།
ཁོ་བོའི་འགྲམ་གྱི་མི་བུ་ཕལ་མོ་ཆེས།།
ཡེ་ནས་མ་སླེབས་གཏན་ནས་མ་མྱོང་བའི།།
སྔོན་མེད་བདེ་བ་ཞིག་གིས་བདག་ལ་འཁྱུད།།
ཐམས་ཅད་སྒྲ་ལ་ཆགས་པའི་ཡོ་ལང་ཁྲོད།།
ཀླད་མེད་ཨུ་ཚུགས་ཅན་གྱི་ཉམ་ཆུང་ངས།།
ཁྱེད་ཞབས་མིག་ཆུས་དཀྲུས་པའི་ཁུ་བ་ཡིས།།
དུག་གསུམ་དྲི་མ་ཡོངས་སུ་དག་གྱུར་ཅིག།
༼ང་ཁྱེད་ལ་ཧང་སངས་དོན།༽
མཛེས་མ་སྟོང་གིས་བསྐོར་བའི་དཀྱིལ་འཁོར་ན།།
འཐམ་འཁྱུད་བདེ་བའི་དབྱིངས་ལ་མ་ཞུགས་པར།།
ལུང་སྟོང་ཞིག་ན་ལྟོ་སྐྱ་གོས་ཧྲུལ་གྱི།།
འཚོ་བར་ཞེན་ཆགས་གནང་མཁན་གླེན་རྟགས་ཁྱེད།།
ཁྱེད་ལ་ལུས་ངག་ཡིད་གསུམ་ཕུལ་མྱོང་བའི།།
ས་མཚོ་མཛེས་མ་མཁར་ནས་མཆོང་ན་ཡང་།།
བསླབ་པའི་སྡོམ་པ་ཐུགས་ཀྱིས་མ་བཏང་བའི།།
གཽ་ཏམ་ཁྱེད་ནི་ཚོར་བ་མེད་མཁན་ཞིག།
༼ངས་ཁྱེད་ལ་དད་པ་བྱེད་དོན།༽
ལུང་པ་རེ་ལ་བླ་མ་ཆེ་ཆུང་རེ།།
བླ་མ་རེ་ལ་ཆོས་ལུགས་གྲུབ་མཐའ་རེ།།
དེའི་ཕྱིར་ཆོས་ལྤགས་གྱོན་པའི་ཟློས་གར་ལ།།
ཆུང་ངུའི་དུས་ནས་ཡིད་ཀ་ལོག་ཚར་ཡོད།།
དེ་ལྟར་ན་ཡང་ཁྱེད་གསུང་མཇལ་བའི་མོད།།
ཐེ་ཚོམ་ཞིག་གིས་ཀླད་རྩ་རྨང་ནས་བསྒུལ།།
དོགས་སློང་ཞིག་གིས་སེམས་པ་གཏིང་ནས་གཡོ།།
ཡིད་ཆེས་ཤིག་གིས་སྙིང་ཁར་དམ་དུ་འཁྱུད།།
གློ་བུར་དྲི་མའི་དངོས་འཛིན་སྤྲིན་ཕུང་ཚོགས།།
དོན་དམ་འགོག་པའི་མཁའ་ལ་འཐིམ་པ་ཡི།།
ཆོས་དབྱིངས་དག་པའི་ཞི་བ་མྱང་འདས་ལ།།
བྲལ་མེད་དགའ་བས་འཁྱུད་མཁན་ཁྱེད་ཉིད་ཙམ།།
ཆོས་ཀུན་རང་བཞིན་གདོད་ནས་སྟོང་པ་ལ།།
རྟེན་འབྲེལ་ལྟོས་བཅས་རྣམ་གཞག་འཇོག་པའི་ཚུལ།།
ཐུབ་པ་ཁྱེད་ཀྱིས་མ་གཏོགས་མི་འཇོན་ལ།།
ཇི་བཞིན་གོ་བའི་སྐྱེས་བུ་རེ་གཉིས་ཙམ།།
བདག་ཉིད་འཚོལ་བའི་འགྲུལ་བཞུད་རིང་པོའི་ནང་།།
བདག་གི་སྟེང་ནས་བདག་ཉིད་མ་རྙེད་ཀྱང་།།
ཚོགས་ལ་བརྟེན་ནས་བདག་ཉིད་འཇོག་ཚུལ་དེས།།
བདག་དང་བདག་གི་སེམས་པ་ལྷོད་ལ་བབ།།
ཐམས་ཅད་རྟོག་པས་བཏགས་པའི་ལྟ་གྲུབ་ཀྱིས།།
འདི་སྣང་སྒྱུ་མའི་ཡོ་ལང་གཏོར་ན་ཡང་།།
ཁྱེད་ཀྱང་རྟོག་བཏགས་ཡིན་པའི་འཛིན་པ་ཡིས།།
སྐབས་རེར་མ་བདེ་ཞིག་ཞིག་དལ་གྱིས་འོངས།།
ཐུབ་པ་ཁྱེད་ཀྱི་གདམས་ངག་རེ་རེ་ལ།།
ཕྲ་ཞིབ་རིགས་པས་དལ་གྱིས་དཔྱད་པ་ན།།
ཁྱེད་ཀྱི་དགོངས་པ་ཇི་བཞིན་རྟོགས་དཀའ་ཡང་།།
ཐེ་ཚོམ་གྱིས་ཀྱང་བདེ་བ་མཆོག་ཏུ་སྟེར།།
ཆུང་ངུའི་དུས་ནས་གདན་ས་རྒྱ་མཚོའི་ནང་།།
བཤེས་གཉེན་མཁས་པའི་ཐུགས་རྗེ་བྱིན་རླབས་ཀྱིས།།
ཁྱེད་གསུང་ཐོས་པའི་སྐལ་བ་ཐོབ་པ་དེ།།
ཡང་ཡང་བསམ་ན་དགའ་བས་འཛུམ་མ་ཁོག།
༼ མཇུག་བསྡུ་བ།༽
ཀུན་གྱིས་ཤུལ་དུ་བསྐྱུར་བའི་ཉམ་ཆུང་ངས།།
གློ་སྙིང་བྲང་གསུམ་ཁྱེད་ལ་ཕུལ་ཡོད་པས།།
འདི་ཕྱི་བར་དོ་སྐྱེ་བ་ཐམས་ཅད་དུ།།
ཁྱེད་ཀྱིས་བསྐྱབ་རྒྱུ་ནམ་ཡང་མ་བརྗེད་རོགས།།
གང་གི་ཆེད་དུ་བསྔོ་སྨོན་བྱེད་ས་ནི།།
དྲིན་ཆེན་ཕ་མ་གཉིས་ལས་མེད་པས་ན།།
ད་ཕྲུག་ཁོ་བོའི་གདུང་འབོད་ལ་གཟིགས་ནས།།
དྲིན་ཆེན་གཉིས་ལའང་གཟིགས་པ་མ་ཆུང་རོགས།།
༢༠༡༤/༧/༣༡ ཆོས་འཁོར་དུས་ཆེན་ཉིན། སྟོན་པས་ཆོས་འཁོར་ཐོག་མར་གང་དུ་བསྐོར་བའི་གནས་མཆོག་ཝཱ་རཱ་ཎ་སཱི་དྲང་སྲོང་ སྨྲ་བ་རི་དྭགས་ཀྱི་ནགས་སུ། དཔེ་ཆ་བ། སྙན་ངག་པ། སྤྲང་འཁྱམ་པ། ཉམས་ཞིབ་པ། རྒྱལ་ཁམས་པ། གཉིས་མེད་པ། ཐ་ཤལ་བ། བེ་རི་རྒྱལ་སྲས་ཀྱིས་བྲིས།
