ཞག་དང་ཟླ་བ་བང་རྩལ་འགྲན་པ་ཡིས།།
ལོ་ཡི་རི་མོ་ཐོད་པར་རིམ་བཞིན་གྱིས་ཤར།།
མཛུབ་མོ་རང་གི་གདོང་ལ་བཙུགས་བྱས་ཏེ།།
བསམ་གཞིགས་ཕྲ་མོའི་ཀློང་ན་ཐེངས་གཅིག་འཛུལ།།
བྱིས་པ་ལོ་བདུན་བར་དུ་ཕ་ཡུལ་ལ།།
ཐལ་རྩེད་རྡོ་རྩེད་ཅིག་གི་རྩེད་འཇོ་ལས།།
དེབ་སྨྱུག་ལག་ཏུ་ལེན་པའི་སྐལ་བ་དེ།།
ཉམ་ཆུང་ད་ཕྲུག་ང་ལ་ཐོབ་མ་གྱུར།།
དེ་ལྟར་ན་ཡང་ཨ་ཕ་དྲིན་ཅན་གྱིས།།
བྱམས་དང་བརྩེ་བས་བསྐྱངས་པའི་དྲོད་ཁོལ་འོག།
མཁས་མང་བློ་གསལ་བྱེ་བའི་གླིང་ཆེན་ན།།
ཤེས་རིག་སྦྲང་རྩི་འཇིབ་པའི་སྐལ་བ་བྱིན།།
བློ་གསལ་གླིང་གི་སློབ་ཆུང་ར་བ་དེར།།
ལོ་ངོ་བཅུ་རིང་ཨིན་བོད་ཤེས་བྱའི་གནས།།
རོབ་ཙམ་སྦྱངས་པའི་སྐལ་བ་བཟང་པོ་དེས།།
མི་ཚེའི་མདུན་ལམ་ཞིག་གི་རྐང་པ་བསྐྲུན།།
སློབ་ཐོན་རྗེས་སུ་སྙན་དེབ་དང་པོ་བཏོན།།
བློ་གསལ་ཤེས་ལྷན་ཁང་གི་ཨིན་དྲུང་བྱས།།
བློ་གླིང་དཔེ་མཛོད་དོ་དམ་པ་ཡང་བྱས།།
འདི་ལོ་ཆུང་ཆུང་དུས་ཀྱི་རྐང་རྗེས་ཤིག།
ས་རཱ་མཐོ་སློབ་ཁང་དུ་ཡིག་རྒྱུགས་ཕུལ།།
ཤེས་རིག་ཉམས་ཞིབ་པ་ཡི་ཁོངས་སུ་ཚུད།།
རིག་གནས་རབ་འབྱམས་པ་ཡི་ཤོག་བུ་བླངས།།
ཨིན་བོད་བརྡ་སྤྲོད་ཆེན་མོའི་གཞུང་ལུགས་བརྩམས།།
ཕོ་ལོ་ཉི་ཤུ་རྩ་ལྔའི་སྨད་ཆ་དེར།།
བྷུན་ཏར་མཐོ་སློབ་ཁང་གི་སློབ་དཔོན་བྱས།།
རང་རིགས་སློབ་མ་རྣམས་ལ་རྩོམ་རིག་གི།
ས་བོན་མི་དམན་ཙམ་ཞིག་བཏབ་ཁུལ་བྱས།།
མགོ་ནས་ཡར་འདྲེན་བྱེད་མཁན་མགོན་སྐྱབས་མེད།།
བར་དུ་ཕན་ཚུན་སྐྱོར་བའི་ཚ་ཞང་མེད།།
མཇུག་ནས་ཤུགས་ཀྱིས་འབུད་མཁན་གཉེན་ཚན་མེད།།
མེད་ཀྱང་མེད་ས་དེ་རུ་ལྷག་མྱོང་མེད།།
དྲིན་ཆེན་ཕ་མའི་ཐུགས་རེ་སྙིང་ལ་འཁྱིལ།།
ཕུགས་བསམ་འཚོལ་བའི་སྙིང་སྟོབས་རྟག་ཏུ་འབར།།
ལག་གཉིས་མིག་གཉིས་ཡོད་པའི་སྤོབས་པ་ཡིས།།
ཁ་གཅིག་གྲོད་གཅིག་ཅིའི་ཕྱིར་གསོ་མི་ཐུབ།།
ཆུང་ངུའི་དུས་ནས་ལས་དང་འབྲེལ་བ་ཡིས།།
མེ་ཚིའི་སྣེ་ཐག་གཅིག་ཏུ་འདྲེས་གྱུར་པའི།།
སྤུན་ཆུང་གཉིས་ནི་ཁོ་བོའི་མི་ཚེའི་ནང་།།
འདོར་དུ་མེད་པའི་འགན་འཁྲི་ཞིག་ཏུ་གྱུར།།
སྤུན་ཆུང་བཀྲ་རྡོར་རི་མོའི་སློབ་གྲྭར་ཐོན།།
རང་མགོ་ཐོན་ནས་འཚོ་བ་རང་གིས་སྐྱེལ།།
སྤུན་ཆུང་ཆོས་འཛོམས་རིག་རྩལ་ཤིན་ཏུ་རྒོད།།
མཐོ་སློབ་ཆེན་པོར་སློབ་གཉེར་བྱེད་བཞིན་མཆིས།། ༼ MCC)
དེ་རིང་འདི་ན་ལྡི་ལི་གྲོང་ཁྱེར་དུ།།
ནེ་རུ་གཙུག་ལག་སློབ་གྲྭ་ཆེན་པོའི་ནང་།།
ངེད་ཅག་ཁ་ཤས་ལྟ་སྐོར་བྱེད་དང་ལྷན།།
རྗེས་མའི་སློབ་གཉེར་འཆར་གཞི་འདི་ནས་བསྒྲིགས།།
རིང་ནས་འདྲིས་ཀྱང་ཞལ་མཇལ་མ་བྱུང་བའི།།
ཨིན་ཇི་ཆེད་ལས་མཁས་མ་བསོད་ནམས་ཀྱིས།།
འདི་གའི་མཐོ་སློབ་ཆེན་པོའི་ར་བའི་ནང་།།
ཁྲིད་ནས་རྐང་པའི་མཐིལ་ཡང་འགད་ལ་ཁད།།
མི་ཚེ་ཞེས་པ་ནམ་དུས་ཤིག་དང་མཚུངས།།
དགའ་དང་སྐྱོ་བ་རིམ་བཞིན་འཁོར་ནས་ཡོང་།།
དྲོ་དུས་སྟོད་གོས་ཡེ་ནས་ཕུད་མི་ཉན།།
སྡུག་དུས་མགོ་བོ་ཡེ་ནས་བཏུམ་མི་ཉན།།
ཉིས་སྟོང་བཅུ་བཞི་རང་གི་མདུན་ན་འབྱོར།།
འཆར་གཞི་སྟོང་གིས་མགོ་བ་ན་རུ་བཅུག།
གོམ་པ་རེ་རེ་སྤོ་དུས་རྐང་རྗེས་ལ།།
ལྟ་བཞིན་གཟབ་གཟབ་དགོས་པ་བསླབ་བྱ་ཞིག།
༢༠༡༣། ༡། ༢། ཉིན་གྱི་ཞོགས་པར་ལྡི་ལི་མན་ཇུ་ཏྲི་ལ་ནས་སྐར་མ་བཅོ་ལྔའི་རིང་ཤར་མར་བྲིས།
༼ སྙན་ཆ་དང་སྒྱུ་རྩལ་ཨ་ཡོང་མ་བལྟས་པས་ཟིན་ཐོ་ཙམ་ཞིག་གི་ཆེད་དུ་བྲིས། ༽
ལོ་ཡི་རི་མོ་ཐོད་པར་རིམ་བཞིན་གྱིས་ཤར།།
མཛུབ་མོ་རང་གི་གདོང་ལ་བཙུགས་བྱས་ཏེ།།
བསམ་གཞིགས་ཕྲ་མོའི་ཀློང་ན་ཐེངས་གཅིག་འཛུལ།།
བྱིས་པ་ལོ་བདུན་བར་དུ་ཕ་ཡུལ་ལ།།
ཐལ་རྩེད་རྡོ་རྩེད་ཅིག་གི་རྩེད་འཇོ་ལས།།
དེབ་སྨྱུག་ལག་ཏུ་ལེན་པའི་སྐལ་བ་དེ།།
ཉམ་ཆུང་ད་ཕྲུག་ང་ལ་ཐོབ་མ་གྱུར།།
དེ་ལྟར་ན་ཡང་ཨ་ཕ་དྲིན་ཅན་གྱིས།།
བྱམས་དང་བརྩེ་བས་བསྐྱངས་པའི་དྲོད་ཁོལ་འོག།
མཁས་མང་བློ་གསལ་བྱེ་བའི་གླིང་ཆེན་ན།།
ཤེས་རིག་སྦྲང་རྩི་འཇིབ་པའི་སྐལ་བ་བྱིན།།
བློ་གསལ་གླིང་གི་སློབ་ཆུང་ར་བ་དེར།།
ལོ་ངོ་བཅུ་རིང་ཨིན་བོད་ཤེས་བྱའི་གནས།།
རོབ་ཙམ་སྦྱངས་པའི་སྐལ་བ་བཟང་པོ་དེས།།
མི་ཚེའི་མདུན་ལམ་ཞིག་གི་རྐང་པ་བསྐྲུན།།
སློབ་ཐོན་རྗེས་སུ་སྙན་དེབ་དང་པོ་བཏོན།།
བློ་གསལ་ཤེས་ལྷན་ཁང་གི་ཨིན་དྲུང་བྱས།།
བློ་གླིང་དཔེ་མཛོད་དོ་དམ་པ་ཡང་བྱས།།
འདི་ལོ་ཆུང་ཆུང་དུས་ཀྱི་རྐང་རྗེས་ཤིག།
ས་རཱ་མཐོ་སློབ་ཁང་དུ་ཡིག་རྒྱུགས་ཕུལ།།
ཤེས་རིག་ཉམས་ཞིབ་པ་ཡི་ཁོངས་སུ་ཚུད།།
རིག་གནས་རབ་འབྱམས་པ་ཡི་ཤོག་བུ་བླངས།།
ཨིན་བོད་བརྡ་སྤྲོད་ཆེན་མོའི་གཞུང་ལུགས་བརྩམས།།
ཕོ་ལོ་ཉི་ཤུ་རྩ་ལྔའི་སྨད་ཆ་དེར།།
བྷུན་ཏར་མཐོ་སློབ་ཁང་གི་སློབ་དཔོན་བྱས།།
རང་རིགས་སློབ་མ་རྣམས་ལ་རྩོམ་རིག་གི།
ས་བོན་མི་དམན་ཙམ་ཞིག་བཏབ་ཁུལ་བྱས།།
མགོ་ནས་ཡར་འདྲེན་བྱེད་མཁན་མགོན་སྐྱབས་མེད།།
བར་དུ་ཕན་ཚུན་སྐྱོར་བའི་ཚ་ཞང་མེད།།
མཇུག་ནས་ཤུགས་ཀྱིས་འབུད་མཁན་གཉེན་ཚན་མེད།།
མེད་ཀྱང་མེད་ས་དེ་རུ་ལྷག་མྱོང་མེད།།
དྲིན་ཆེན་ཕ་མའི་ཐུགས་རེ་སྙིང་ལ་འཁྱིལ།།
ཕུགས་བསམ་འཚོལ་བའི་སྙིང་སྟོབས་རྟག་ཏུ་འབར།།
ལག་གཉིས་མིག་གཉིས་ཡོད་པའི་སྤོབས་པ་ཡིས།།
ཁ་གཅིག་གྲོད་གཅིག་ཅིའི་ཕྱིར་གསོ་མི་ཐུབ།།
ཆུང་ངུའི་དུས་ནས་ལས་དང་འབྲེལ་བ་ཡིས།།
མེ་ཚིའི་སྣེ་ཐག་གཅིག་ཏུ་འདྲེས་གྱུར་པའི།།
སྤུན་ཆུང་གཉིས་ནི་ཁོ་བོའི་མི་ཚེའི་ནང་།།
འདོར་དུ་མེད་པའི་འགན་འཁྲི་ཞིག་ཏུ་གྱུར།།
སྤུན་ཆུང་བཀྲ་རྡོར་རི་མོའི་སློབ་གྲྭར་ཐོན།།
རང་མགོ་ཐོན་ནས་འཚོ་བ་རང་གིས་སྐྱེལ།།
སྤུན་ཆུང་ཆོས་འཛོམས་རིག་རྩལ་ཤིན་ཏུ་རྒོད།།
མཐོ་སློབ་ཆེན་པོར་སློབ་གཉེར་བྱེད་བཞིན་མཆིས།། ༼ MCC)
དེ་རིང་འདི་ན་ལྡི་ལི་གྲོང་ཁྱེར་དུ།།
ནེ་རུ་གཙུག་ལག་སློབ་གྲྭ་ཆེན་པོའི་ནང་།།
ངེད་ཅག་ཁ་ཤས་ལྟ་སྐོར་བྱེད་དང་ལྷན།།
རྗེས་མའི་སློབ་གཉེར་འཆར་གཞི་འདི་ནས་བསྒྲིགས།།
རིང་ནས་འདྲིས་ཀྱང་ཞལ་མཇལ་མ་བྱུང་བའི།།
ཨིན་ཇི་ཆེད་ལས་མཁས་མ་བསོད་ནམས་ཀྱིས།།
འདི་གའི་མཐོ་སློབ་ཆེན་པོའི་ར་བའི་ནང་།།
ཁྲིད་ནས་རྐང་པའི་མཐིལ་ཡང་འགད་ལ་ཁད།།
མི་ཚེ་ཞེས་པ་ནམ་དུས་ཤིག་དང་མཚུངས།།
དགའ་དང་སྐྱོ་བ་རིམ་བཞིན་འཁོར་ནས་ཡོང་།།
དྲོ་དུས་སྟོད་གོས་ཡེ་ནས་ཕུད་མི་ཉན།།
སྡུག་དུས་མགོ་བོ་ཡེ་ནས་བཏུམ་མི་ཉན།།
ཉིས་སྟོང་བཅུ་བཞི་རང་གི་མདུན་ན་འབྱོར།།
འཆར་གཞི་སྟོང་གིས་མགོ་བ་ན་རུ་བཅུག།
གོམ་པ་རེ་རེ་སྤོ་དུས་རྐང་རྗེས་ལ།།
ལྟ་བཞིན་གཟབ་གཟབ་དགོས་པ་བསླབ་བྱ་ཞིག།
༢༠༡༣། ༡། ༢། ཉིན་གྱི་ཞོགས་པར་ལྡི་ལི་མན་ཇུ་ཏྲི་ལ་ནས་སྐར་མ་བཅོ་ལྔའི་རིང་ཤར་མར་བྲིས།
༼ སྙན་ཆ་དང་སྒྱུ་རྩལ་ཨ་ཡོང་མ་བལྟས་པས་ཟིན་ཐོ་ཙམ་ཞིག་གི་ཆེད་དུ་བྲིས། ༽
